Մարտի 18-ին անցկացվեց «Վարչապետի գավաթ» սեղանի թենիսի դպրոցականների համայնքային փուլը, որին մասնակցեցին Գորիս և Տաթև համայնքների 5–9-րդ դասարանների աշակերտական թիմերը։ Յուրաքանչյուր թիմում ընդգրկված էին երկու աղջիկ և երկու տղա՝ ապահովելով հավասար մրցակցություն և թիմային ներդաշնակություն։

Գորիսի Յուրի Բախշյանի անվան թիվ 3 հիմնական դպրոցը մրցումներին ներկայացավ արժանապատիվ կազմով։ Դպրոցը ներկայացնող աշակերտները՝ 8-րդ «Գ» դասարանի սովորող Արման Եղյանը և 9-րդ «Գ» դասարանի սովորողներ Ալեքս Միկա Ավանեսյանը, Նարե Ալումյանը և Մարիա Լալայանը, ցուցադրեցին համառ պայքար և բարձր մարզական պատրաստվածություն՝ արժանապատվորեն հանդես գալով մրցապայքարում։

Մրցումները կազմակերպվել էին շրջանաձև համակարգով, ինչը հնարավորություն տվեց յուրաքանչյուր թիմի անցկացնել մի շարք հանդիպումներ՝ լիարժեք դրսևորելով իրենց կարողությունները, թիմային ոգին և մարտավարական մոտեցումները։

Լարված և հետաքրքիր հանդիպումների արդյունքում Գորիսի Յուրի Բախշյանի անվան թիվ 3 հիմնական դպրոցի թիմը զբաղեցրեց 5-րդ հորիզոնականը 12 թիմերի շարքում՝ արձանագրելով կարևոր հաջողություն։ Մրցումների ընթացքում մասնակիցները ոչ միայն ցուցադրեցին իրենց մարզական հմտությունները, այլև զարգացրեցին համագործակցության, համբերության և արդար մրցակցության արժեքները։

Մրցաշարի հիմնական նպատակն էր խթանել դպրոցականների ֆիզիկական ակտիվությունը, նպաստել նրանց մարզական հմտությունների զարգացմանը և ձևավորել առողջ մրցակցային միջավայր։ Միևնույն ժամանակ, այն կարևոր հարթակ դարձավ համայնքների միջև կապերի ամրապնդման, նոր ընկերությունների ձևավորման և դրական մրցակցային մթնոլորտի ստեղծման համար։

Մասնակիցների համար մրցումները դարձան ոչ միայն փորձության, այլև ոգեշնչման աղբյուր՝ ապագա հաղթանակների և նոր ձեռքբերումների ճանապարհին։

Գորիսի Յուրի Բախշյանի անվան թիվ 3 հիմնական դպրոցի թիմի մարզիչն է «Ֆիզկուլտուրա» առարկայի ուսուցչուհի Աննա Աբգարյանը։