Ապրիլի 7-ին՝ մայրության և գեղեցկության տոնի շրջանակում, Գորիսի Յուրի Բախշյանի անվան թիվ 3 հիմնական դպրոցի 1-ին «Ա» դասարանում կազմակերպվել է «Բարի, հոգատար տատիկներ» խորագրով ջերմ ու հուզիչ միջոցառում՝ դասվար Գայանե Ավագյանի նախաձեռնությամբ։ Միջոցառումը նվիրված էր սովորողների տատիկներին՝ նպատակ ունենալով ընդգծել նրանց կարևոր դերը ընտանիքում, սերնդի դաստիարակության գործում և պահպանվող ընտանեկան արժեքների փոխանցման մեջ։ Փոքրիկները սիրով և ոգևորությամբ հանդես են եկել շնորհավորական խոսքով, արտասանել բանաստեղծություններ, կատարել երգեր՝ իրենց երախտագիտությունն ու սերը փոխանցելով ներկա տատիկներին։ Նրանց ելույթները ստեղծել են ջերմ, ընտանեկան մթնոլորտ՝ լի անկեղծ ժպիտներով ու հուզիչ պահերով։ Միջոցառումը ևս մեկ անգամ ընդգծել է, որ տատիկները ընտանիքի անփոխարինելի հենասյուներից են՝ սիրո, հոգատարության և կյանքի իմաստության կրողներ։
| |
|
| |
| Դիտումներ: 78 | |
| Մեկնաբանություններն ընդամենը՝: 0 | |