Գորիսի Յուրի Բախշյանի անվան թիվ 3 հիմնական դպրոցը միացել է համամարզային շաբաթօրյակին։ Նախաձեռնության շրջանակում դպրոցի աշխատակազմն ու սովորողները համախմբվել էին մեկ կարևոր նպատակի շուրջ՝ ապահովելու մաքուր, բարեկարգ և հարմարավետ ուսումնական միջավայր, ինչպես նաև մաքրելու դպրոցի հարակից տարածքը։ Շաբաթօրյակը կազմակերպվել էր Սյունիքի մարզում իրականացվող բնապահպանական և համայնքային ակտիվության բարձրացման շրջանակում՝ նպատակ ունենալով ձևավորել պատասխանատու վերաբերմունք շրջակա միջավայրի նկատմամբ և դպրոցականների շրջանում խթանել համագործակցային մշակույթը: Համատեղ և ոգևորիչ աշխատանքի արդյունքում մաքրվեցին դպրոցի բակն ու հարակից տարածքները, դասասենյակներն ու միջանցքները։ Սովորողները ակտիվորեն ներգրավվեցին գործընթացում՝ ցուցաբերելով պատասխանատվություն և նախաձեռնողականություն՝ գիտակցելով իրենց դերը ընդհանուր գործի հաջողության մեջ։ Նման միջոցառումները կարևոր կրթական նշանակություն ունեն․ դրանք նպաստում են աշխատանքային մշակույթի ձևավորմանը, զարգացնում թիմային աշխատանքի հմտությունները և ամրապնդում շրջակա միջավայրի նկատմամբ հոգատար վերաբերմունքը։ Շաբաթօրյակը ևս մեկ անգամ ցույց տվեց, որ մաքուր և խնամված միջավայր ունենալը սկսվում է յուրաքանչյուրիս փոքր քայլերից։ Միավորվելով՝ հնարավոր է հասնել տեսանելի և երկարաժամկետ արդյունքների՝ ձևավորելով առողջ ու բարեկարգ կրթական միջավայր։
| |
|
| |
| Դիտումներ: 164 | |
| Մեկնաբանություններն ընդամենը՝: 0 | |