«Անվտանգ և ապահով կրթություն» տարվա շրջանակում Գորիսի Յուրի Բախշյանի անվան թիվ 3 հիմնական դպրոցում շարունակվում են թեմատիկ միջոցառումները, որոնք միտված են սովորողների իրազեկվածության բարձրացմանը և անվտանգ վարքագծի ձևավորմանը։ Ապրիլի 28-ին դպրոցում անցկացվել է «Հրդեհներ, սողանքներ, բնապահպանական անվտանգություն» թեմայով բաց դաս-քննարկում։ Միջոցառումը կազմակերպվել էր դասվար Կարինե Մալխասյանի նախաձեռնությամբ՝ «ՆԶՊ» առարկայի ուսուցիչ Արտուր Հովսեփյանի և ծնող Սաթենիկ Բաբալարյանի համագործակցությամբ։ Դաս-քննարկման ընթացքում ներկայացվել են բնական աղետների՝ հրդեհների, սողանքների, ձնահյուսերի, երկրաշարժերի և ջրհեղեղների առաջացման հիմնական պատճառները, դրանց հնարավոր հետևանքները, ինչպես նաև կանխարգելման և արտակարգ իրավիճակներում ճիշտ արձագանքման կարևորագույն սկզբունքները։ Առանձնակի ուշադրություն է դարձվել սովորողների գործնական գիտելիքների և արագ կողմնորոշվելու հմտությունների զարգացմանը։ Դպրոցում իրականացվող նման նախաձեռնությունները կրում են շարունակական բնույթ և ուղղված են ոչ միայն տեսական գիտելիքների փոխանցմանը, այլև պատասխանատու և անվտանգ վարքագծի ձևավորմանը՝ նպաստելով առավել պաշտպանված և իրազեկ սերնդի ձևավորմանը։
| |
|
| |
| Դիտումներ: 18 | |
| Մեկնաբանություններն ընդամենը՝: 0 | |