Գորիսի Յուրի Բախշյանի անվան թիվ 3 հիմնական դպրոցի 2-րդ «Ա» դասարանում, դասվար Իրինա Ջավահիրյանի նախաձեռնությամբ, անցկացվեց «Սուպեր ուղեղներ» խորագրով հետաքրքիր և ուսուցողական ինտելեկտուալ խաղ-վիկտորինա։ Միջոցառման ընթացքում սովորողները մրցեցին իրենց գիտելիքներով ու արագ կողմնորոշվելու կարողությամբ՝ պատասխանելով «Մաթեմատիկա», «Մայրենի» և «Ես և շրջակա աշխարհը» առարկաներից կազմված տարբեր հարցերի։ Խաղն անցավ ակտիվ ու ոգևորված մթնոլորտում՝ երեխաների մեծ հետաքրքրությամբ և մասնակցությամբ։ Փոքրիկ մասնակիցները ցուցաբերեցին տրամաբանական մտածողություն, գիտելիքների լավ իմացություն և թիմային աշխատանքի հմտություններ։ Վիկտորինան ոչ միայն նպաստեց սովորողների մտավոր զարգացմանը, այլև նրանց համար դարձավ ուրախ և հիշարժան փորձառություն։ Նմանատիպ նախաձեռնությունները կարևոր դեր ունեն սովորողների ճանաչողական հետաքրքրությունների զարգացման, ինքնավստահության բարձրացման և ուսումնական գործընթացն առավել հետաքրքիր ու արդյունավետ դարձնելու գործում։
| |
|
| |
| Դիտումներ: 154 | |
| Մեկնաբանություններն ընդամենը՝: 0 | |