Վերջին զանգը խորհրդանշեց ոչ միայն դպրոցական կարևոր փուլի ավարտը, այլև նոր կյանքի ու նոր նպատակների մեկնարկը։ Միջոցառումը համախմբել էր սովորողներին, ուսուցիչներին, ծնողներին և հյուրերին՝ ստեղծելով իսկական տոնական ու հուզառատ մթնոլորտ։ Դպրոցի 9-րդ «Ա», 9-րդ «Բ» և 9-րդ «Գ» դասարանների դասղեկներ Ալլա Զեյնալյանի, Լիանա Գրիգորյանի և Անուշ Սարգիսջանյանի նախաձեռնությամբ կազմակերպվել էր գեղեցիկ ու բովանդակալից միջոցառում, որի ընթացքում շրջանավարտները ամփոփեցին իրենց անցած ինը տարիները՝ լի ուսումնական ձեռքբերումներով, ընկերական հիշողություններով և դպրոցական անմոռանալի ակնթարթներով։
Շրջանավարտները երախտագիտության ու սիրո խոսքեր հղեցին նաև իրենց առաջին ուսուցիչներին՝ դասվարներ Գայանե Ավագյանին, Վարդ Գրիգորյանին և Ալինա Միքայելյանին՝ շնորհակալություն հայտնելով կրթության, հոգատարության և տարիների անմնացորդ նվիրումի համար։
Միջոցառումն ուղեկցվեց երաժշտական և գեղարվեստական կատարումներով, շնորհավորանքի ու բարեմաղթանքի խոսքերով, որոնք օրը դարձրին առավել հիշարժան և տպավորիչ։ Այս օրը դարձավ ոչ միայն հրաժեշտի, այլև նոր սկզբի խորհրդանիշ։ Թող բոլոր շրջանավարտների ճանապարհը լինի լուսավոր, նպատակներով լի և հաջողություններով հարուստ։ Բարի երթ, սիրելի՛ շրջանավարտներ… Դպրոցը միշտ սպասելու է ձեզ սիրով, ջերմությամբ և հպարտությամբ։ Ավելի շատ լուսանկարներ՝ այստեղ։ Գորիսի Յուրի Բախշյանի անվան թիվ 3 հիմնական դպրոցի տնօրենությունը շնորհակալություն է հայտնում Գորիսի համայնքապետարանին և Գորիսի Շառլ Ազնավուրի անվան մշակույթի կենտրոնին՝ «Վերջին զանգ» միջոցառման անցկացման գործում ցուցաբերած աջակցության համար։
| |
|
| |
| Դիտումներ: 256 | |
Գորիսի Յուրի Բախշյանի անվան թիվ 3 հիմնական դպրոցում կայացավ 2025-2026 ուսումնական տարվա վերջին դասի հանդիսավոր միջոցառումը, որը լի էր հուզիչ պահերով, ջերմ հիշողություններով և ապագայի հանդեպ գեղեցիկ սպասումներով։
| Մեկնաբանություններն ընդամենը՝: 0 | |