Գորիսի Յուրի Բախշյանի անվան թիվ 3 հիմնական դպրոց-ում մայիս ամսվա ընթացքում իրականացվել են «Անվտանգ ամառային արձակուրդ» թեմայով մի շարք կրթական և իրազեկման միջոցառումներ։

Միջոցառումների շրջանակում սովորողների հետ կազմակերպվել են թեմատիկ քննարկումներ, զրույցներ և բանախոսություններ՝ նվիրված ամառային արձակուրդների ընթացքում անվտանգ վարքագծի կանոններին։ Առանձնահատուկ ուշադրություն է դարձվել սարերում, այգիներում և բնության գրկում գտնվելու ժամանակ անվտանգության պահպանման կարևորությանը։

Դպրոցի ուսուցիչներ Ռիտա Շալունցը, Կարինե Մալխասյանը, Օլյա Ղուլյանը և Մարգարիտա Պետրոսյանը թեմատիկ աշխատանքներ են իրականացրել 3-րդ «Գ», 4-րդ «Գ», 5-րդ «Ա», 5-րդ «Բ» և 5-րդ «Գ» դասարաններում։

Սովորողներին ներկայացվել են անվտանգ հանգստի, բնության մեջ ճիշտ վարքագծի, արտակարգ իրավիճակներում զգոնության և ինքնապաշտպանության հիմնական կանոնները։

Նման նախաձեռնությունները նպաստում են սովորողների պատասխանատվության բարձրացմանը և անվտանգ միջավայրի ձևավորմանը՝ հատկապես ամառային արձակուրդների ընթացքում։