Մայիսի 21-ին Գորիսի Յուրի Բախշյանի անվան թիվ 3 հիմնական դպրոցի 5-րդ «Ա» դասարանի սովորողները, դասղեկ Աննա Աբգարյանի ուղեկցությամբ, այցելեցին հայրենիքի պաշտպանության համար զոհված հերոսների շիրիմներին՝ ծաղիկներ խոնարհելով և հարգանքի տուրք մատուցելով նրանց հիշատակին։

Հիշատակի արարողությունից հետո աշակերտները ճանաչողական այց կատարեցին Ակսել Բակունցի տուն-թանգարան։ Թանգարանային շրջայցի ընթացքում սովորողները ծանոթացան հայ մեծանուն գրող Ակսել Բակունցի կյանքին ու ստեղծագործական գործունեությանը, դիտեցին պահպանվող անձնական իրերը, ձեռագրերն ու պատմական արժեք ներկայացնող ցուցանմուշները։

Այցը սովորողների համար դարձավ կարևոր մշակութային և կրթական փորձառություն՝ հնարավորություն ընձեռելով առավել խորությամբ ճանաչելու հայ գրականության կարևոր ներկայացուցիչներից մեկին և արժևորելու ազգային մշակութային ժառանգությունը։

Նման նախաձեռնությունները կարևոր դեր ունեն սովորողների հայրենաճանաչության, ընթերցասիրության և մշակութային կրթության զարգացման գործում։