Գորիսի Յուրի Բախշյանի անվան թիվ 3 հիմնական դպրոցում հանդիսավոր մթնոլորտում ամփոփվեց 2025–2026 ուսումնական տարին։ Ուսումնական տարվա ավարտին դպրոցի տնօրենության կողմից շնորհակալագրերով պարգևատրվեցին այն մանկավարժները, ծնողները և սովորողները, ովքեր տարվա ընթացքում իրենց պատասխանատու աշխատանքի, ակտիվ մասնակցության և նվիրումի շնորհիվ նշանակալի ներդրում են ունեցել դպրոցի կրթական կյանքի զարգացման գործում։ Շնորհակալագրերի արժանացած մանկավարժները գնահատվեցին կրթական առաքելությանը նվիրված և բարեխիղճ աշխատանքի, ուսումնական գործընթացի արդյունավետ կազմակերպման, սովորողների կրթության և դաստիարակության գործում ցուցաբերած հետևողականության, ինչպես նաև դպրոցի կրթական, մշակութային, մարզական և հանրային նախաձեռնություններին ակտիվ մասնակցության և շարունակական աջակցության համար։ Նրանց մասնագիտական բարձր պատասխանատվությունը, ստեղծագործ մոտեցումն ու նվիրումն էական դեր են ունեցել դպրոցի ձեռքբերումների, կրթական միջավայրի բարելավման և սովորողների հաջողությունների ապահովման գործում։ Շնորհակալագրերով պարգևատրվեցին նաև այն ծնողները, ովքեր ուսումնական տարվա ընթացքում եղել են դպրոցի վստահելի գործընկերները՝ մշտապես աջակցելով կրթադաստիարակչական գործընթացին և ակտիվորեն ներգրավվելով դպրոցի կրթական, մշակութային, մարզական ու հասարակական նախաձեռնություններին։ Նրանց վստահությունը, հոգատար վերաբերմունքն ու համագործակցային ոգին նպաստել են դպրոցի և ընտանիքի միջև արդյունավետ գործընկերության ամրապնդմանը և երեխաների համակողմանի զարգացման համար բարենպաստ պայմանների ստեղծմանը։ Հատուկ գնահատանքի արժանացան նաև դպրոցի ակտիվ և նախաձեռնող սովորողները, որոնք ուսումնական տարվա ընթացքում աչքի են ընկել բարձր առաջադիմությամբ, ուսման նկատմամբ պատասխանատու վերաբերմունքով, կրթական, մշակութային, մարզական և հասարակական միջոցառումներին ակտիվ մասնակցությամբ, ինչպես նաև տարբեր մրցույթներում և նախաձեռնություններում գրանցած հաջողություններով։ Նրանց աշխատասիրությունը, պատասխանատվությունն ու նպատակասլացությունը ոչ միայն նպաստել են սեփական հաջողություններին, այլև դարձել են ոգեշնչող օրինակ իրենց համադասարանցիների համար։ Ուսումնական տարվա ամփոփումը դարձավ ևս մեկ առիթ՝ գնահատելու այն մարդկանց ներդրումը, որոնց համատեղ աշխատանքի, փոխադարձ վստահության և համագործակցության շնորհիվ դպրոցը շարունակում է ապահովել կրթության բարձր որակ, զարգացող կրթական միջավայր և նոր հաջողություններ։
| |
|
| |
| Դիտումներ: 23 | |
| Մեկնաբանություններն ընդամենը՝: 0 | |