Հոկտեմբերի 5-ին Գորիսի Յուրի Բախշյանի անվան թիվ 3 հիմնական դպրոցի 1-ին «Գ» դասարանում անցկացվեց «Ա» տառին և հնչյունին նվիրված բաց դաս, որը կազմակերպել և վարել էր դասվար Հայարփի Ամարյանը։ Դասի ընթացքում առաջին դասարանցիները խաղային, ստեղծագործական և ուսուցողական առաջադրանքների միջոցով ամրապնդեցին «Ա» հնչյունի և տառի վերաբերյալ իրենց գիտելիքները։ Նրանք ճանաչեցին և տարբերակեցին հնչյունը, կատարեցին համապատասխան վարժություններ, կազմեցին բառեր, ներկայացրին իրենց սովորածը և ակտիվորեն ներգրավվեցին դասի բոլոր փուլերում։ Դասը կազմակերպված էր առաջին դասարանցիների տարիքային առանձնահատկություններին համապատասխան՝ ուսումնական նյութը համադրելով խաղային և համագործակցային մեթոդների հետ։ Դասի ընթացքում կիրառված բազմաբնույթ առաջադրանքները նպաստեցին սովորողների ուշադրության, հիշողության, հաղորդակցական և ճանաչողական կարողությունների զարգացմանը՝ միաժամանակ ապահովելով նրանց ակտիվ մասնակցությունն ու հետաքրքրվածությունը։ Փոքրիկների ոգևորությունն ու ակտիվությունը վկայում էին, որ դպրոցական առաջին քայլերը նրանց համար վերածվում են հետաքրքիր, ուրախ և հիշարժան ուսումնառության փորձառության։
| |
|
| |
| Դիտումներ: 28 | |
| Մեկնաբանություններն ընդամենը՝: 0 | |