Մարդու մարմինը մի զարմանահրաշ աշխարհ է, որտեղ յուրաքանչյուր զգայարան ու յուրաքանչյուր օրգան ունի իր կարևոր դերը։ Այս հետաքրքիր աշխարհը բացահայտելու ճանապարհորդություն կատարեցին Գորիսի Յուրի Բախշյանի անվան թիվ 3 հիմնական դպրոցի 3-րդ «Գ» դասարանի սովորողները՝ ուսումնասիրելով «Մեր զգայարանները» և «Մարդու ներքին օրգանները» թեմաները։ Համագործակցային դասը համախմբել էր դասվար Տաթևիկ Փարսադանյանին, ուսուցչի օգնական Արշալույս Երիցյանին և կենսաբանության ուսուցչուհի Շահանե Ակլունցին։ Դասի ընթացքում սովորողներն աչքի ընկան իրենց ակտիվ մասնակցությամբ, հետաքրքրասիրությամբ և ոգևորությամբ։ Նրանք սիրով պատասխանում էին հարցերին, արտահայտում իրենց մտքերը, մասնակցում քննարկումներին, ցուցաբերում նախաձեռնողականություն և մեծ հետաքրքրությամբ ներգրավվում առաջադրանքների կատարմանը։ Յուրաքանչյուրի մասնակցությունն ու ներդրումը դասը դարձրին առավել աշխույժ, հետաքրքիր և բովանդակալից։ Տեսողական նյութերի, զրույցների և համատեղ աշխատանքի միջոցով սովորողները հարստացրին իրենց գիտելիքները մարդու մարմնի կառուցվածքի, զգայարանների և ներքին օրգանների գործառույթների մասին՝ միաժամանակ զարգացնելով համագործակցելու, միմյանց լսելու և սեփական գիտելիքները ներկայացնելու կարողությունները։ Դասը ևս մեկ անգամ ապացուցեց, որ երբ սովորողը սովորում է ակտիվորեն, բացահայտում է ինքնուրույն և համագործակցում ընկերների հետ, գիտելիքը դառնում է ավելի հետաքրքիր, իսկ ուսումնառությունը՝ ավելի արդյունավետ։
| |
|
| |
| Դիտումներ: 23 | |
| Մեկնաբանություններն ընդամենը՝: 0 | |