Հոկտեմբերի 15-ին Գորիս քաղաքում անցկացվեց Հայաստանի ֆուտբոլի ֆեդերացիայի (ՀՖՖ) կողմից կազմակերպված Մ10 ֆուտբոլի մրցաշարի համայնքային փուլը, որին մասնակցելու հնարավորություն ունեին համայնքի բոլոր դպրոցների թիմերը։

Գորիսի Յուրի Բախշյանի անվան թիվ 3 հիմնական դպրոցի ֆուտբոլային թիմը մրցաշարում հանդես եկավ բարձր պատրաստվածությամբ, ցուցադրեց համախմբված խաղ, նպատակասլացություն և հաղթանակի մեծ ձգտում։

Լարված ու համառ պայքարում մեր դպրոցի սաները գրանցեցին գերազանց արդյունք՝ գրավելով առաջին տեղը և նվաճելով մարզային փուլին մասնակցելու իրավունք։

Այս հաղթանակը թիմային աշխատանքի, աշխատասիրության, փոխադարձ աջակցության և մարզական ոգու գեղեցիկ արդյունք է։ Այն ևս մեկ անգամ փաստում է, որ համառությունն ու միասնականությունը կարևոր քայլեր են դեպի հաջողություն։