Նոյեմբերի 5-ին Կարեն Դեմիրճյանի անվան մարզահամերգային համալիրում կայացավ «Koreez» ամենամյա կրթական Օսկար շոու-մրցանակաբաշխությունը, որը մեկ հարկի տակ էր համախմբել կրթության ոլորտի ներկայացուցիչներին, մանկավարժներին, սովորողներին և կրթական նախաձեռնությունների հեղինակներին։ Միջոցառմանը մասնակցեցին նաև Գորիսի Յուրի Բախշյանի անվան թիվ 3 հիմնական դպրոցի տնօրեն Սերգեյ Ավանեսյանը, ուսուցիչներ Արփինե Մարտիրոսյանը, Ռուզաննա Խաչատրյանն ու Լիլիթ Սարգսյանը։ Այս տարի ևս դպրոցը մրցանակաբաշխությունից վերադարձավ նշանակալի ձեռքբերումներով և բարձր գնահատականներով։ Մասնավորապես՝
Այս արդյունքները դպրոցի կրթական կյանքի կարևոր ձեռքբերումներից են։ Դրանք միաժամանակ արտացոլում են մանկավարժների մասնագիտական պատրաստվածությունը, հետևողական աշխատանքը, սովորողների աշխատասիրությունն ու գիտելիքի նկատմամբ պատասխանատու վերաբերմունքը։ Հատկանշական է նաև այն, որ դպրոցի կրթական միջավայրում ձևավորված արժեքներն ու ձեռքբերումները շարունակվում են արտահայտվել նաև շրջանավարտների հետագա ուսումնառության ընթացքում։ Առանձնահատուկ գնահատանքի է արժանի նաև «Koreez» ամենամյա կրթական Օսկար շոու-մրցանակաբաշխության կազմակերպման բարձր մակարդակը։ Միջոցառումն աչքի էր ընկնում բեմական տպավորիչ ձևավորմամբ, ժամանակակից տեխնիկական լուծումներով, գեղարվեստական հարուստ ծրագրով և կազմակերպչական բարձր պատրաստվածությամբ։ Մարզահամերգային համալիրում ստեղծված տոնական մթնոլորտը, մասնակիցների մեծաթիվ ներկայությունն ու մրցանակաբաշխության հանդիսավոր ընթացքը միջոցառումը վերածել էին կրթության ոլորտի նշանակալի տոնակատարության։ «Koreez»-ը հերթական անգամ կարևոր հարթակ դարձավ մանկավարժների աշխատանքի արժևորման, սովորողների ձեռքբերումների հանրայնացման և կրթության ոլորտում հաջողությունների խրախուսման համար։ Նման նախաձեռնությունները ոչ միայն գնահատում են արդեն արձանագրված արդյունքները, այլև նոր խթան են հաղորդում մասնագիտական զարգացմանը, առողջ մրցակցությանը և կրթական նոր ձեռքբերումների ձգտմանը։ Գորիսի Յուրի Բախշյանի անվան թիվ 3 հիմնական դպրոցը շնորհավորում է Արփինե Մարտիրոսյանին, Միլենա Մելքումյանին, Դայանա Մարտիրոսյանին և Մանե Մարտիրոսյանին՝ արձանագրած հաջողությունների կապակցությամբ՝ մաղթելով նորանոր մասնագիտական ու կրթական նվաճումներ։ Հպարտ ենք մեր մանկավարժներով, սովորողներով և շրջանավարտներով, որոնց ձեռքբերումները դպրոցի կրթական հաջողությունների շարունակությունն են։
| |
|
| |
| Դիտումներ: 96 | |
| Մեկնաբանություններն ընդամենը՝: 0 | |