Նոյեմբերի 11-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ դպրոցի վաստակաշատ մանկավարժ Ժասմեն Խուրշուդյանի «Արևոտ անուրջներ» գրքի շնորհանդեսը։ Միջոցառումը կազմակերպել էր դպրոցի գրադարանավար Կարինե Շեգունցը։ Գրքի շնորհանդեսը վերածվել էր հարգանքի ու երախտագիտության յուրօրինակ հանդիպման, որի ընթացքում դպրոցի մանկավարժներն ու սովորողները ներկայացրին Ժասմեն Խուրշուդյանի անցած մանկավարժական ուղին, ստեղծագործական ժառանգությունը, կյանքի դրվագներն ու մասնագիտական գործունեությունը։ Հնչեցին նրա ստեղծագործությունները, անդրադարձ կատարվեց այն արժեքներին ու հիշողություններին, որոնք ձևավորել են նրա հարուստ կենսագրությունն ու թողած ժառանգությունը։ Միջոցառմանը ներկա էին բազմաթիվ անվանի հյուրեր, մանկավարժներ, Ժասմեն Խուրշուդյանի նախկին սաներն ու գործընկերները, որոնք իրենց ներկայությամբ, հիշողություններով և ջերմ խոսքերով արժևորեցին նրա մարդկային ու մասնագիտական վաստակը։ Հատկանշական է, որ նման միջոցառումները ոչ միայն գրական ստեղծագործության ներկայացման առիթ են, այլև հնարավորություն՝ վերարժևորելու մանկավարժի դերը, պահպանելու սերունդների միջև կապը և արժանապատվորեն ներկայացնելու այն մարդկանց վաստակը, որոնք իրենց գիտելիքներով, նվիրումով ու մարդկային որակներով հետք են թողել բազմաթիվ սերունդների կյանքում։ Գորիսի Յուրի Բախշյանի անվան թիվ 3 հիմնական դպրոցը մեծ հարգանքով ու երախտագիտությամբ է հիշում իր անվանի և բազմավաստակ մանկավարժներին։ Նրանց թողած ժառանգությունը դպրոցի պատմության, ինքնության և արժեքային համակարգի անբաժանելի մասն է։ Դպրոցը շարունակելու է մեծարել իր վաստակաշատ մանկավարժներին, արժևորել նրանց կատարած աշխատանքը և պահպանել նրանց մասին հիշողությունը՝ որպես օրինակ գալիք սերունդների համար։ Մանկավարժի իրական վաստակը չափվում է ոչ միայն նրա թողած գիտելիքներով, այլև սերունդների հիշողության մեջ պահպանված հետքով։
| |
|
| |
| Դիտումներ: 57 | |
| Մեկնաբանություններն ընդամենը՝: 0 | |