|
Գորիսի Յուրի Բախշյանի անվան թիվ 3 հիմնական դպրոցում շարունակվում են սովորողների անվտանգության ապահովման և սառը զենքի կիրառության բացառմանն ուղղված իրազեկման աշխատանքները։ Նախորդ օրերին դպրոցի դասղեկները՝ հոգեբան Էմմա Սարգսյանի հետ համագործակցությամբ, սովորողների հետ անցկացրել են իրազեկման հանդիպումներ՝ անդրադառնալով սառը զենքի կիրառման վտանգներին, դրա հնարավոր հետևանքներին և դպրոց զենք բերելու անթույլատրելիությանը։ Հանդիպումների ընթացքում կարևորվել են անվտանգ վարքագծի կանոնների պահպանումը, կոնֆլիկտային իրավիճակներում խաղաղ և գիտակցված լուծումների ընտրությունը, սեփական և շրջապատի անվտանգության նկատմամբ պատասխանատու վերաբերմունքի ձևավորումը։ Առանձնահատուկ ուշադրություն է դարձվել նաև սովորողների հոգեբանական բարեկեցությանը, փոխադարձ հարգանքի մշակույթի ձևավորմանը և վտանգավոր իրավիճակների դեպքում մեծահասակներին ժամանակին դիմելու կարևորությանը։ Դպրոցը շարունակելու է նման իրազեկման և կանխարգելիչ աշխատանքները՝ նպատակ ունենալով ձևավորել անվտանգ, պաշտպանված և հոգեբանորեն բարենպաստ կրթական միջավայր, որտեղ յուրաքանչյուր սովորող գիտակցում է իր պատասխանատվությունը սեփական և մյուսների անվտանգության համար։
| |
|
| |
| Դիտումներ: 9 | |
| Մեկնաբանություններն ընդամենը՝: 0 | |









