Փետրվարի 27-ին Գորիսի Յուրի Բախշյանի անվան թիվ 3 հիմնական դպրոցի 4-րդ «Ա» դասարանում տեղի ունեցավ «Ռիսկային իրավիճակներ, արձագանքման ձևեր» թեմայով իրազեկման բաց դաս, որը կազմակերպել էր դասվար Նունե Գալստյանը։ Դասի ընթացքում սովորողները ծանոթացան բուլինգի և կիբեռբուլինգի դրսևորումներին, հասակակիցների ճնշման հնարավոր հետևանքներին, առողջական ռիսկերին, վտանգավոր վարքի տեսակներին և դրանց կանխարգելման արդյունավետ ուղիներին։ Առանձնահատուկ ուշադրություն դարձվեց անվտանգ ու վստահելի միջավայր ձևավորելու կարևորությանը, սեփական սահմանները ճանաչելուն և պաշտպանելուն, ինչպես նաև անհրաժեշտության դեպքում մեծահասակների ու մասնագետների աջակցությանը դիմելու մշակույթի ձևավորմանը։ Հանդիպումն անցավ ակտիվ և ներգրավված քննարկման մթնոլորտում․ սովորողները բարձրաձայնեցին իրենց մտահոգությունները, ներկայացրին առօրյա կյանքից օրինակներ, մասնակցեցին իրավիճակային վարժություններին և ստացան կիրառական խորհուրդներ՝ ռիսկային իրավիճակներում ճիշտ կողմնորոշվելու համար։ Նման կրթական նախաձեռնությունները նպաստում են դպրոցում անվտանգ, աջակցող և վստահելի միջավայրի ամրապնդմանը, ինչպես նաև սովորողների սոցիալ-հոգեբանական կայունության, ինքնագիտակցության և պատասխանատու վարքագծի ձևավորմանը։
| |
|
| |
| Դիտումներ: 135 | |
| Մեկնաբանություններն ընդամենը՝: 0 | |