Գորիս քաղաքում կայացած դպրոցականների շախմատի օլիմպիադայի համայնքային փուլում բարձր արդյունք է գրանցել Գորիսի Յուրի Բախշյանի անվան թիվ 3 հիմնական դպրոցի թիմը՝ զբաղեցնելով պատվավոր 3-րդ հորիզոնականը։ Մրցաշարը ընթացել է լարված և հետաքրքիր պայքարում, որտեղ մասնակիցները ցուցադրել են ոչ միայն տեսական գիտելիքներ, այլև արագ կողմնորոշվելու և ռազմավարական մտածողության բարձր կարողություններ։ Դպրոցի թիմի կազմում հանդես եկած Հենրի Քոչարյանը, Նարե Հայրապետյանը, Մարիամ Դալլաքյանը և Արտուր Աղամալյանը կարողացել են վստահ խաղով հաղթահարել մրցակիցներին և ապահովել թիմային հաջողությունը։ Գրանցված արդյունքը վկայում է աշակերտների հետևողական աշխատանքի, նպատակասլացության և պատասխանատվության բարձր մակարդակի մասին։ Շախմատը, որպես մտավոր խաղ, շարունակում է կարևոր դեր ունենալ սովորողների տրամաբանական մտածողության, վերլուծական կարողությունների և որոշումների կայացման հմտությունների զարգացման գործում։ Դպրոցի շախմատիստների հաջողության մեջ կարևոր ներդրում ունի նաև նրանց մարզիչը՝ «Շախմատ» առարկայի ուսուցիչ Ալեքսանդր Հայրապետյանը, ում համակարգված աշխատանքն ու մասնագիտական մոտեցումը նպաստել են թիմի կայուն առաջընթացին։ Դպրոցի ղեկավարությունն ու մանկավարժական անձնակազմը շնորհավորում են թիմին և մաղթում նոր ձեռքբերումներ ու հաղթանակներ առաջիկա մրցաշարերում։
| |
|
| |
| Դիտումներ: 58 | |
| Մեկնաբանություններն ընդամենը՝: 0 | |