Հունիսի 10-ին Գորիսի Յուրի Բախշյանի անվան թիվ 3 հիմնական դպրոցում դպրոցի աշխատակազմի համար կազմակերպվել է «Փաստաթղթաշրջանառություն, փաստաթղթավարություն և գործարար գրագրություն» թեմայով վերապատրաստման դասընթաց, որը վարել է դպրոցի տնօրեն Սերգեյ Ավանեսյանը։ Դասընթացի ընթացքում ներկայացվել են ուսումնական հաստատություններում փաստաթղթաշրջանառության և փաստաթղթավարության կազմակերպման հիմնական սկզբունքները, պաշտոնական գրագրության կանոնները, ինչպես նաև գործարար հաղորդակցության արդյունավետ մեխանիզմները։ Առանձնահատուկ ուշադրություն է դարձվել էլեկտրոնային հաղորդակցությանը՝ մասնավորապես էլեկտրոնային փոստի միջոցով պաշտոնական նամակագրության իրականացման կարգին, ձևաչափերին և գործող պահանջներին։ Մասնակիցները ծանոթացել են գործնականում հաճախ հանդիպող խնդիրներին, քննարկել փաստաթղթերի ձևակերպման առանձնահատկությունները և ստացել մասնագիտական պարզաբանումներ աշխատանքային գործընթացում առաջացող հարցերի վերաբերյալ։ Դասընթացի ավարտին իրականացվել է գործնական աշխատանք, որի ընթացքում ներկաները հնարավորություն են ունեցել վերլուծելու իրենց կողմից նախկինում ուղարկված նամակները, բացահայտելու առկա թերություններն ու սխալները, ինչպես նաև ստանալու առաջարկություններ՝ գրագրության որակի և արդյունավետության բարձրացման նպատակով։
| |
|
| |
| Դիտումներ: 18 | |
| Մեկնաբանություններն ընդամենը՝: 0 | |