Հունիսի 10-ին Գորիսի Յուրի Բախշյանի անվան թիվ 3 հիմնական դպրոցում դպրոցի աշխատակազմի համար կազմակերպվել է «Բարոյահոգեբանական մթնոլորտը աշխատանքային միջավայրում» թեմայով հանդիպում-քննարկում, որը վարել է դպրոցի հոգեբան Էմմա Սարգսյանը։ Հանդիպման ընթացքում քննարկվել են առողջ և արդյունավետ աշխատանքային միջավայրի ձևավորման կարևոր նախադրյալները, բարոյահոգեբանական բարենպաստ մթնոլորտի ազդեցությունը մասնագիտական գործունեության արդյունավետության վրա, ինչպես նաև գործընկերային փոխհարաբերությունների, հաղորդակցման մշակույթի և փոխադարձ հարգանքի դերը աշխատանքային գործընթացում։ Մասնակիցները հնարավորություն են ունեցել անդրադառնալու աշխատանքային միջավայրում հանդիպող տարբեր իրավիճակների, քննարկելու դրանց հաղթահարման արդյունավետ մոտեցումները և կիսվելու սեփական փորձով։ Առանձնահատուկ ուշադրություն է դարձվել սթրեսի կառավարման, թիմային աշխատանքի ամրապնդման և համագործակցային միջավայրի ձևավորման մեխանիզմներին։ Հանդիպումը կրել է ինտերակտիվ բնույթ՝ ներառելով քննարկումներ, գործնական օրինակներ և փորձի փոխանակում, ինչը նպաստել է թեմայի առավել խորքային ընկալմանը և մասնակիցների ակտիվ ներգրավվածությանը։
| |
|
| |
| Դիտումներ: 15 | |
| Մեկնաբանություններն ընդամենը՝: 0 | |