Հունիսի 30-ին Գորիսի Յուրի Բախշյանի անվան թիվ 3 հիմնական դպրոցում, դպրոցի և Գորիսի տարածքային մանկավարժահոգեբանական աջակցության կենտրոնի համագործակցության շրջանակում, դպրոցի աշխատակազմի համար կազմակերպվել է «Սթրեսի կառավարում» թեմայով հանդիպում-քննարկում։ Հանդիպումը վարել է Գորիսի տարածքային մանկավարժահոգեբանական աջակցության կենտրոնի հոգեբան Լուսինե Աղաջանյանը, ով մասնակիցներին ներկայացրել է սթրեսի առաջացման հիմնական պատճառները, դրա դրսևորման առանձնահատկությունները և հաղթահարման արդյունավետ մեթոդներն ու գործիքները։ Քննարկման ընթացքում անդրադարձ է կատարվել մասնագիտական գործունեության ընթացքում հանդիպող սթրեսային իրավիճակներին, դրանց ազդեցությանը անձի հոգեբանական բարեկեցության և աշխատանքային արդյունավետության վրա։ Մասնակիցները հնարավորություն են ունեցել կիսվելու իրենց փորձով, քննարկելու առկա մարտահրավերները և ստանալու մասնագիտական խորհրդատվություն։ Հանդիպումն անցել է ակտիվ և փոխգործակցային մթնոլորտում՝ նպաստելով աշխատակիցների հոգեբանական իրազեկվածության բարձրացմանը, մասնագիտական հմտությունների զարգացմանը և առողջ ու բարենպաստ աշխատանքային միջավայրի ձևավորմանը։ Նման նախաձեռնությունները կարևոր դեր ունեն կրթական հաստատություններում աշխատակիցների հոգեկան առողջության պահպանման, մասնագիտական այրման կանխարգելման և արդյունավետ համագործակցության ամրապնդման գործում։
| |
|
| |
| Դիտումներ: 40 | |
| Մեկնաբանություններն ընդամենը՝: 0 | |