Գորիսի Յուրի Բախշյանի անվան թիվ 3 հիմնական դպրոցը շարունակում է հպարտանալ իր սաների ձեռքբերումներով։ Դպրոցի 4-րդ «Բ» դասարանի սովորողները հերթական անգամ աչքի են ընկել սպորտի, արվեստի և մշակույթի տարբեր ոլորտներում՝ արժանանալով մրցանակների ու պատվոգրերի։

Արեգ Սնեցունցը մասնակցել է Գորիսի տարածքային մանկապատանեկան մարզադպրոցում անցկացված ըմբշամարտի Սյունիքի բաց առաջնությանը և նվաճել բրոնզե մեդալ։

Նանե Վարդանյանը ավարտել է Շառլ Ազնավուրի անվան արվեստի դպրոցի կերպարվեստի բաժինը՝ ստանալով ավարտական վկայական։ Նա նաև մասնակցել է «Նոր ձեռքեր 15» համահայկական մրցույթ-փառատոնին և «Նկարչություն» անվանակարգում արժանացել 3-րդ աստիճանի դափնեկրի կոչման։

Անահիտ Ջավահիրյանը մասնակցել է «Սյունյաց քոչարի» փառատոնին և իր ակտիվ մասնակցության համար պարգևատրվել պատվոգրով։

Մարի Բաբայանը ևս հաջողությամբ հանդես է եկել «Նոր ձեռքեր 15» համահայկական մրցույթ-փառատոնում՝ «Նկարչություն» անվանակարգում արժանանալով 3-րդ աստիճանի դափնեկրի կոչման։

Դպրոցը շնորհավորում է իր շնորհալի սովորողներին՝ մաղթելով նորանոր հաղթանակներ, ստեղծագործական հաջողություններ և բարձր նվաճումներ կրթության, արվեստի և սպորտի բնագավառներում։ Այս ձեռքբերումները վկայում են, որ նպատակասլաց աշխատանքը, հետևողականությունն ու տաղանդը միշտ էլ բերում են արժանի արդյունքների։