Գորիսի Յուրի Բախշյանի անվան թիվ 3 հիմնական դպրոցի 4-րդ «Ա» դասարանի սովորողները շարունակում են ակտիվորեն մասնակցել մշակութային, կրթական և ստեղծագործական նախաձեռնությունների՝ ներկայացնելով իրենց տաղանդն ու կարողությունները տարբեր հարթակներում։

Լիա Ալեքսանյանը մասնակցել է կոմպոզիտոր Արա Գևորգյանի «Վերածնունդ» ֆիլմի նկարահանումներին։ Ֆիլմի շրջանակում իրականացված 1000 դհոլահարների միասնական կատարումը գրանցվել է Գինեսի համաշխարհային ռեկորդների գրքում՝ դառնալով նշանակալի մշակութային իրադարձություն։

Կարինա Ալեքսանյանը մասնակցել է Աշոտ Սաթյանի անվան երաժշտական դպրոցի հաշվետու համերգին՝ հանդես գալով գեղեցիկ կատարումով և պատվով ներկայացնելով երաժշտական դպրոցը։

Սոֆի Ասլանյանը մասնակցել է «Սյունյաց Քոչարի» ազգային պարի համահայկական փառատոնին՝ արժանանալով պատվոգրի՝ գեղեցիկ և տպավորիչ ելույթի համար։

Արփի Բակունցը և Գաբրիելլա Դովլաթյանը մասնակցել են «ԳԱԿ մշակութային խաչմերուկ 2026» կրթամշակութային ծրագրին՝ ցուցադրելով իրենց ստեղծագործական ունակությունները և արժանանալով վկայականների։

Դպրոցի 4-րդ «Ա» դասարանի սովորողների այս ձեռքբերումները վկայում են նրանց ակտիվության, ստեղծագործական ներուժի և մշակութային արժեքների նկատմամբ հետաքրքրության մասին։

Շնորհավորում ենք սովորողներին, նրանց ծնողներին և ուսուցիչներին՝ մաղթելով նորանոր հաջողություններ, ստեղծագործական վերելքներ և գեղեցիկ ձեռքբերումներ։