Գորիսի Յուրի Բախշյանի անվան թիվ 3 հիմնական դպրոցի 3-րդ «Բ» դասարանի սովորողները շարունակում են հաջողություններ գրանցել մշակույթի, կրթության, արվեստի և սպորտի տարբեր ոլորտներում՝ պատվով ներկայացնելով իրենց դպրոցը։

Կարինա Բաբաջանյանը մասնակցել է «Սյունյաց քոչարի» և «Թոփ մոդել Հայաստան» փառատոններին՝ ակտիվորեն հանդես գալով մշակութային նախաձեռնություններում։

Նատալի Բաբայանը մասնակցել է «Սյունյաց քոչարի» համահայկական փառատոնին՝ արժանանալով բարձր գնահատանքի։

Նանե Հայրապետյանը հաջողությամբ ավարտել է Հայաստանի ամերիկյան համալսարանի Գորիսի կենտրոնի անգլերեն լեզվի 5-րդ մակարդակը՝ շարունակելով զարգացնել իր լեզվական գիտելիքներն ու հմտությունները։

Սեյրան Կարապետյանը մասնակցել է Լյովիկ Իսրայելյանի հիշատակին նվիրված ազատ ոճի ըմբշամարտի մրցաշարին և զբաղեցրել 1-ին հորիզոնականը՝ արժանանալով ոսկե հաղթանակի։

Գագիկ Կարապետյանը Լյովիկ Իսրայելյանի հիշատակին նվիրված ազատ ոճի ըմբշամարտի մրցաշարում ցուցաբերել է բարձր մարզական պատրաստվածություն և զբաղեցրել 2-րդ հորիզոնականը։

Վահե Բակունցը մասնակցել է «Նոր ձեռքեր» նկարչության մրցույթին և զբաղեցրել 1-ին հորիզոնականը՝ արժանանալով բարձր գնահատականի իր ստեղծագործական աշխատանքի համար։

Շնորհավորում ենք մեր բոլոր շնորհալի սովորողներին և մաղթում նորանոր հաջողություններ, բարձր նվաճումներ ու հաղթանակներով լի ճանապարհ։ Մենք հպարտ ենք ձեր յուրաքանչյուր ձեռքբերումով։