Գորիսի Յուրի Բախշյանի անվան թիվ 3 հիմնական դպրոցում մեկնարկել է «Հանրակրթական դպրոցների ուսուցիչների և ուսուցչի օգնականների ներառող դասավանդման հմտությունների զարգացման ապահովում» դասընթացը։ Դասընթացն իրականացվում է Հանրապետական մանկավարժահոգեբանական կենտրոնի կողմից և երաշխավորված է ՀՀ ԿԳՄՍ նախարարության կողմից։ Ծրագրի նպատակն է աջակցել ուսուցիչներին և ուսուցչի օգնականներին՝ զարգացնելու մասնագիտական կարողությունները, կատարելագործելու ներառական դասավանդման ժամանակակից մոտեցումների կիրառման հմտությունները և ուսումնական գործընթացը համապատասխանեցնելու սովորողների անհատական կրթական կարիքներին։ Դասընթացի շրջանակում մասնակիցներն անդրադառնում են երեք հիմնական ուղղությունների՝ ապահով և անվտանգ կրթական միջավայրի ձևավորմանը, երեխաների հոգեկան առողջության և հոգեսոցիալական հմտությունների զարգացմանը, ինչպես նաև ներառող դասավանդման և ուսումնառության ռազմավարություններին։ Ծրագրի կարևոր բաղադրիչներից է նաև մենթորական և գործնական աջակցությունը։ Մասնակիցները հնարավորություն կունենան ձեռք բերված գիտելիքներն ու մեթոդները կիրառելու դասապրոցեսում՝ մասնավորապես կրթության առանձնահատուկ պայմանների կարիք ունեցող սովորողների հետ աշխատանքում։ Դասընթացի արդյունքում ակնկալվում է զարգացնել ուսուցիչների և ուսուցչի օգնականների՝ ներառական դասավանդման արդյունավետ մեթոդներ կիրառելու, սովորողների անհատական կարիքները հաշվի առնելու և անվտանգ ու աջակցող կրթական միջավայր ապահովելու կարողությունները։ Դասընթացի մեկնարկը Գորիսի Յուրի Բախշյանի անվան թիվ 3 հիմնական դպրոցում մասնագիտական զարգացման շարունակական գործընթացի հերթական քայլն է՝ ուղղված դպրոցում ներառական կրթության արդյունավետ կազմակերպման և սովորողների կրթական հնարավորությունների ընդլայնմանն ու բարելավմանը։
| |
|
| |
| Դիտումներ: 113 | |
| Մեկնաբանություններն ընդամենը՝: 0 | |