«Ողջ տարին գրքի հետ» ընթերցանության ծրագրի շրջանակում Գորիսի Յուրի Բախշյանի անվան թիվ 3 հիմնական դպրոցի 9-րդ «Գ» դասարանում «Գրականություն» և «Հայաստանի պատմություն առարկաների ուսուցիչներ Լիլիթ Սարգսյանի և Մերի Դանիելյանի կողմից իրականացվեց բաց դաս` «Սասունցի Դավիթ» թեմայով։ Դասի նպատակն էր ձևավորել ամբողջական պատկերացում դյուցազներգության ժանրի մասին, զարգացնել Դավթի և Մելիքի կերպարների համեմատական վերլուծության, արդարության և ուժի մասին էպոսի գաղափարները մեկանաբանելու կարողություն։ Դասի ընթացքում քննարկվեցին Սասունցի Դավթի քաջությունը, արդարամտությունը, ազատասիրությունն ու հայրենիքի հանդեպ նվիրվածությունը։ Սովորողներն անդրադարձան էպոսի առանցքային դրվագներին, ներկայացրին իրենց մեկնաբանությունները և հիմնավորեցին սեփական տեսակետները։ Առանձնահատուկ ուշադրություն դարձվեց բարու և չարի պայքարին, ժողովրդի ուժին ու արժանապատվությանը։ Բաց դասը նպաստեց սովորողների բանավոր խոսքի, վերլուծական մտածողության և համագործակցային հմտությունների զարգացմանը։ Այն հնարավորություն տվեց վերարժևորելու հայկական էպոսը՝ որպես ազգային ինքնության, մշակութային ժառանգության և համամարդկային արժեքների կարևոր աղբյուր։
| |
|
| |
| Դիտումներ: 25 | |
| Մեկնաբանություններն ընդամենը՝: 0 | |