«Դպրոցի կյանքը ներսից․ պատմություններ աշխատակիցներից» նախագծի երկրորդ հարցազրույցը Գորիսի Յուրի Բախշյանի անվան թիվ 3 հիմնական դպրոցի 2-րդ «Բ» դասարանի դասվար Կարինե Պողոսյանի հետ է։

Գորիսի Յուրի Բախշյանի անվան թիվ 3 հիմնական դպրոցը նախաձեռնել է հետաքրքիր և ստեղծարար նախագիծ, որի շրջանակներում նախատեսվում են հարցազրույցներ դպրոցի աշխատակիցների հետ:

Դպրոցի տնօրենի պաշտոնակատար Սերգեյ Ավանեսյանի ու վարչատնտեսական մասի համակարգող Դավիթ Կոստանդյանի հրամանով դպրոցի աշխատակազմը 2024 թվականին բարեխիղճ աշխատելու և դպրոցի նկատմամբ ցուցաբերած անսակարկ նվիրումի համար պարգևատրվեց շնորհակալագրերով։

Ավարտվեց Գորիսի Յուրի Բախշյանի անվան թիվ 3 հիմնական դպրոցի աշակերտների համար կազմակերպված ռուսաց լեզվի երկամսյա անվճար դասընթացը, որը վարում էր «Ռուսաց լեզու» առարկայի ուսուցչուհի Շահանե Գյուրջյանը:

Գորիսի Յուրի Բախշյանի անվան թիվ 3 հիմնական դպրոցում տոներին ընդառաջ հայտարարվել էր արդեն ավանդական դարձած «Լավագույն զարդարված դասարան 2024» խորագրով մրցույթը։ Մրցույթի շրջանակում դպրոցի 27 դասարանները պետք է ձևավորեին իրենց դասարանները, պատրաստվեին Ամանորին։

Դեկտեմբերի 10-ին և 11-ին Գորիսի Յուրի Բախշյանի անվան թիվ 3 հիմնական դպրոցի 9-րդ «Ա» և «Բ» դասարանների աշակերտները, դպրոցի տնօրենի պաշտոնակատար Սերգեյ Ավանեսյանի ուղեկցությամբ, Մասնագիտական կողմնորոշման ակումբի շրջանակներում այցելել են «Իմփաքթ Հաբ Սյունիք»` ծանոթանալու գործունեությանը և տրվող հնարավորություններին։ 

Ստեղծարար գործունեության շրջանակներում, կարևորելով գրքի և ընթերցանության դերը, Գորիսի Յուրի Բախշյանի անվան թիվ 3 հիմնական դպրոցի աշակերտները ճանաչողական այց կատարեցին Գորիսի կենտրոնական գրադարան։

Դեկտեմբերի 6-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ վիկտորինա՝ «Անգլերեն» առարկայից, որը կազմակերպել էին «Անգլերեն» առարկայի ուսուցչուհի Թագուհի Գրիգորյանն ու Գորիսի պետական համալսարանի «Անգլերեն լեզու և գրականություն» մասնագիտության ուսանողներ Լիլիթ Հովհաննիսյանն ու Սեդա Առաքելյանը, որոնք իրենց պրակտիկան անց են կացնում դպրոցում։

Դեկտեմբերի 6-ին Գորիսի Յուրի Բախշյանի անվան թիվ 3 հիմնական դպրոցի 9-րդ «Բ» դասարանում կայացավ գրականության բաց դաս՝ «Սասնա ծռեր» էպոսի ամփոփումը։

Աշակերտները քննարկման միջոցով անդրադարձան կոռուպցիա և հակակոռուպցիա հասկացություններին, կոռուպցիային որպես գլոբալ հիմնախնդիր, պատճառներին, հետևանքներին ու պայքարի և հաղթահարման ուղիներին: