Ապրիլի 3-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն: «Ծանր մետաղների աղդեցությունը մարդկանց առողջության վրա» թեմայով նախագծային աշխատանքը ղեկավարում էին «Քիմիա» առարկայի ուսուցչուհի Անուշ Դաջունցը, «ԹԳՀԳ» առարկայի ուսուցչուհի Օլյա Ղուլյանը։ Նախագծային աշխատանքն իրականացրին 9-րդ «Բ» դասարանի աշակերտներ Էմին Հայրապետյանը, Ալեն Մուրադյանը, Ալեքս Սահակյանը, 9-րդ «Գ» դասարանի աշակերտներ Արթուր Ալումյանը, Լիա Համբարձումյանը, Ալյոնա Մալունցը։ Հայրապետյան Էմին Էմինը տիրապետում է ծանր մետաղների ընդհանուր բնութագրերին և հասկանում է դրանց ազդեցությունը մարդու օրգանիզմի վրա։ Կարողանում է ներկայացնել անցումային մետաղների հիմնական հատկությունները, սակայն գիտելիքները դեռևս ամբողջական և խորքային չեն։ Կարողանում է պարզ պատճառահետևանքային կապեր տեսնել (օր.՝ մետաղների ներթափանցում → ազդեցություն օրգանների վրա), սակայն վերլուծությունը հաճախ սահմանափակվում է ընդհանուր նկարագրություններով։ Տիրապետում է տեղեկատվության որոնման և ներկայացման հիմնական հմտություններին։ Թվային գործիքների կիրառումը բավարար է, սակայն կարելի է զարգացնել տվյալների ավելի համակարգված ներկայացումը։ Մուրադյան Ալեն Ալենը ունի միջին մակարդակի գիտելիքներ ծանր մետաղների ազդեցության վերաբերյալ։ Ընդհանուր պատկերացում ունի օրգանիզմում դրանց վնասակար ազդեցությունների մասին։ Կարողանում է որոշակի վերլուծություն կատարել, սակայն դժվարանում է խորացնել թեման և կատարել համադրություններ տարբեր աղբյուրների միջև։ Տեղեկատվության հավաքման և սահիկների պատրաստման հմտությունները բավարար են։ Անհրաժեշտ է զարգացնել ինքնուրույն աշխատանքը և նախաձեռնողականությունը։ Ալումյան Արթուր Արթուրը ունի հիմնական գիտելիքներ ծանր մետաղների վերաբերյալ, սակայն դրանք սահմանափակ են։ Ամբողջությամբ չի յուրացրել թեմայի խորքային կողմերը (օր.՝ ազդեցության մեխանիզմներ, կանխարգելման միջոցներ)։ Վերլուծությունը մակերեսային է։ Դժվարանում է ընդհանրացնել և հիմնավորել առաջարկվող լուծումները։ Տեղեկատվության հավաքագրման և ներկայացման հմտությունները զարգացնելու կարիք ունեն։ Թվային գործիքների կիրառումը սահմանափակ է։ Համբարձումյան Լիա Լիան լավ մակարդակով հասկանում է ծանր մետաղների տեսակները և դրանց կիրառման ոլորտները։ Կարողանում է ներկայացնել կենցաղում հանդիպող աղբյուրները։ Կարողանում է վերլուծել կենցաղային իրերի բաղադրությունը և բացահայտել հնարավոր վտանգները։ Կատարում է համեմատություններ և եզրակացություններ, թեև որոշ դեպքերում խորացումը սահմանափակ է։ Լավ է աշխատել թվային գործիքներով, պատրաստել է կառուցվածքային և հասկանալի սահիկներ։ Ցուցաբերել է համագործակցային աշխատանք։ Սահակյան Ալեքս Ալեքսը ունի սահմանափակ գիտելիքներ թեմայի վերաբերյալ։ Ծանր մետաղների տեսակների և դրանց ազդեցության վերաբերյալ պատկերացումը ոչ լիարժեք է։ Վերլուծական հմտությունները թույլ են զարգացած։ Դժվարանում է կապ հաստատել տեսական գիտելիքների և իրական կյանքի օրինակների միջև։ Տեղեկատվության որոնման, մշակման և ներկայացման հմտությունները զարգացման կարիք ունեն։ Խորհուրդ է տրվում ավելի ակտիվ մասնակցություն և ինքնուրույն աշխատանքի խթանում։ Մալունց Ալյոնա Ալյոնան ցուցաբերել է բարձր մակարդակի գիտելիքներ։ Լիարժեք հասկանում է ծանր մետաղների քիմիական բնույթը, դրանց աղբյուրները և ազդեցությունը մարդու առողջության վրա։ Ունի զարգացած վերլուծական մտածողություն։ Կարողանում է ոչ միայն բացահայտել խնդիրները, այլ նաև առաջարկել հիմնավորված և գործնական լուծումներ (կանխարգելում, անվտանգ օգտագործում, այլընտրանքային նյութեր)։ Բարձր մակարդակով է տիրապետում տեղեկատվության մշակման, վիզուալացման և ներկայացման հմտություններին։ Ակտիվ, նախաձեռնող և պատասխանատու մասնակցություն է ցուցաբերել խմբային աշխատանքում։
| |
|
| |
| Դիտումներ: 114 | |
| Մեկնաբանություններն ընդամենը՝: 0 | |