Ապրիլի 13-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Դիֆուզիան առօրյա կյանքում» թեմայով նախագծային աշխատանքը ղեկավարում էր «Ֆիզիկա» առարկայի ուսուցիչ Հայկ Օհանյանը։

Նախագծային աշխատանքն իրականացրին 7-րդ «Ա» դասարանի աշակերտներ Միհրան Գրիգորյանը, Հայկ Շեգունցը, Աշոտ Աթաբեկյանը, 7-րդ «Բ» դասարանի աշակերտներ Մոնթե Գևորգյանը, Գրիշա Խաչատրյանը, Տաթևիկ Պետրոսյանը, 7-րդ «Գ» դասարանի աշակերտներ Արսեն Հովհաննիսյանը, Յուրա Մանուչարյանը։

Միհրան Գրիգորյան (Վերլուծաբան-համակարգող)

Կատարած աշխատանքը. ուսումնասիրել է ֆիզիկայի դասագրքի համապատասխան թեմաները (նյութի կառուցվածք, դիֆուզիա) և համակարգել խմբի հավաքագրած տեսական նյութերը:

Ձեռք բերված հմտություններ և գիտելիքներ. զարգացրել է տեղեկատվության վերլուծության և տեսական գիտելիքը գործնական տվյալների հետ համադրելու հմտություններ: Ձեռք է բերել գիտելիքներ նյութի մասնիկային կառուցվածքի հիմնարար սկզբունքների վերաբերյալ:

Տաթևիկ Պետրոսյան (Վերլուծաբան-համակարգող)

Կատարած աշխատանքը. մշակել է վերջնական կայքէջի տեքստային բովանդակությունը և խմբագրել իրականացված գործնական փորձերի արդյունքներն ու եզրակացությունները:

Ձեռք բերված հմտություններ և գիտելիքներ. ձևավորվել են տեղեկույթի համակարգման, համագործակցային աշխատանքի և թվային բովանդակության պլանավորման կարողություններ: Ձեռք է բերել գիտելիքներ մոլեկուլների անընդհատ և քաոսային շարժման առանձնահատկությունների մասին:

Մոնթե Գևորգյան (Վիրտուալ փորձարար)

Կատարած աշխատանքը. PhET ինտերակտիվ հարթակում վիրտուալ մոդելավորել է դիֆուզիան գազերում՝ տարբեր ջերմաստիճանային պայմաններում:

Ձեռք բերված հմտություններ և գիտելիքներ. ձեռք է բերել վիրտուալ լաբորատորիայում աշխատելու, թվային մոդելավորման և տվյալների ֆիքսման (սքրինշոթեր) հմտություններ: Յուրացրել է գիտելիքներ ջերմաստիճանի և մասնիկների շարժման արագության միջև ֆիզիկական կապի վերաբերյալ:

Հայկ Շեգունց (Վիրտուալ փորձարար)

Կատարած աշխատանքը. PhET հարթակում մոդելավորել է դիֆուզիան հեղուկներում, փոխել է պարամետրերը և վերլուծել ստացված վիրտուալ արդյունքները:

Ձեռք բերված հմտություններ և գիտելիքներ. զարգացրել է ՏՀՏ գործիքների կիրառման և վիրտուալ տվյալների վերլուծության կարողություններ: Ձեռք է բերել հիմնավոր գիտելիքներ հեղուկներում դիֆուզիայի ընթացքի առանձնահատկությունների մասին:

Արսեն Հովհաննիսյան (Իրական փորձարար)

Կատարած աշխատանքը. դպրոցում իրականացրել է թանաքի տարածման լաբորատոր փորձը տաք և սառը ջրով բաժակներում, գրանցել է արդյունքները:

Ձեռք բերված հմտություններ և գիտելիքներ. ձեռք է բերել փորձարարական գործիքների հետ անվտանգ աշխատելու և դիտարկումների իրականացման գործնական հմտություններ: Ստացել է գիտելիքներ հեղուկներում դիֆուզիայի արագության վրա ջերմաստիճանի ազդեցության մասին:

Յուրա Մանուչարյան (Իրական փորձարար)

Կատարած աշխատանքը. կատարել է հոտի տարածման (օծանելիքի) դիտարկման փորձը դասասենյակում և ժամանակաչափով ֆիքսել արդյունքները:

Ձեռք բերված հմտություններ և գիտելիքներ. զարգացրել է փորձերի դիտարկման, չափիչ սարքերից ճիշտ օգտվելու և արդյունքների արձանագրման հմտություններ: Ձեռք է բերել գիտելիքներ գազային միջավայրում դիֆուզիայի արագության և դրսևորման վերաբերյալ:

Գրիշա Խաչատրյան (Իրական փորձարար-փաստագրող)

Կատարած աշխատանքը. լուսանկարել և փաստագրել է խմբի կողմից իրականացված բոլոր ֆիզիկական փորձերը՝ ապահովելով տեսողական նյութեր նախագծի կայքէջի համար:

Ձեռք բերված հմտություններ և գիտելիքներ. ձևավորվել են թվային լուսանկարչության, գործնական փաստագրման և թիմային աշխատանքի հմտություններ: Ձեռք է բերել գիտելիքներ առօրյա կյանքում դիֆուզիայի տեսանելի դրսևորումների մասին:

• Պրոդուկտ