Ապրիլի 27-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Միջնադարյան սիրերգություններ» թեմայով նախագծային աշխատանքը ղեկավարում էին «Գրականություն» առարկայի ուսուցչուհի Սոնա Հարությունյանը, «Արվեստ» առարկայի ուսուցչուհի Լուսինե Գրիգորյանը։

Նախագծային աշխատանքն իրականացրին 8-րդ «Բ» դասարանի աշակերտներ Շանթ Ավագյանը, Անուշ Արզումանյանը, Էլեն Բալաչյանը, Գոռ Բաղդասարյանը, Բինա Բուլբուլյանը, Սոֆի Գրիգորյանը, Անիտա Գևորգյանը։

Ավագյան Շանթն ուսումնասիրել է միջնադարյան գրականությունը, մասնավորապես սիրերգությունը, գտել է տարածում գտած երգերն ու հայրենները: Արդյունքում սովորողի մոտ ձևավորվել են հետազոտական, վերլուծական կարողութուններ:

Բաղդասարյան Գոռը ներկայացրել է սահիկաշարի կառուցվածքը, որոնել և գտել է համապատասխան տեղեկատվություն, պատրաստել է սահիկաշարը: Արդյունքում զարգացել են ՏՀՏ-ով աշխատելու կարողությունները:

Բուլբուլյան Բինան ծրագրել և կազմակերպել է կինոդիտումը, երաժշտական կատարումներ հայտնի երգիչների կատարմամբ: Արդյունքում զարգացել են ստեղծագործականն հմտությունները, ինչպես նաև բացահայտվել են սովորողի երաժշտական կարողությունները:

Արզումանյան Անուշը ստեղծել է «Երգ երգոց» հաղորդաշարի ընդհանուր սցենարը: Արդյունքում զարգացել են ստեղծագործական, վերլուծական կարողություններ և հմտություններ, ինչպես նաև բացահայտվել է ասմունքելու կարողությունը:

Գրիգորյան Սոֆին կատարել է դերաբաշխում, իրականացրել է հաղորդաշարի իրականացման փորձերը, որի արդյունքում սովորողը ձեռք է բերել անկաշկանդ հաղորդակցվելու կարողություններ, խոսքի գրագետ շարադրման ունակություններ:

Գևորգյան Անիտան համակարգել է մրցույթ-վիկտորինայի հարցերը, նախագծել կառուցվածքը. Արդյունքում ձևավորվել են հետազոտական, կազմակերպչական կարողություններ և հմտություններ:

Բալաչյան Էլենն իրականացրել է բեմի և առհասարակ ամբողջ աշխատանքի նկարչական ձևավորումները, որի ընթացքում բացահայտվել են սովորողի նկարչական ձիրքը, արվեստի և երաժշտության հանդեպ ունեցած մեծ հետաքրքրությունը, ակտիվ համագործակցելու կարողությունները:

Ամբողջ խումբը պատասխանատվություն է կրել հաղորդման պատրաստման և համակարգչային ձևավորման համար: Աշխատանքը նպաստել է աշխատանքային խմբի առավել կուռ, միասնական, համախմբված լինելուն, համատեղ որոշումներ կայացնելու, միմյանց կարծիքները հաշվի առնելու, համագործակցելու, վերլուծական, քննադատական կարողությունների զարգացմանն ու հմտությունների խորացմանը:

• Պրոդուկտ 1
• Պրոդուկտ 2