Գորիսի Յուրի Բախշյանի անվան թիվ 3 հիմնական դպրոցում հունիսի 6-ին անցկացվեց միջոցառում՝ նվիրված «Շիրակացու ճեմարան» միջազգային գիտակրթական համալիրի կողմից կազմակերպվող Հանրապետական բաց օլիմպիադայում հաջողություն ցուցաբերած աշակերտների պարգևատրմանը։

Հունիսի 3-ին Գորիսի Յուրի Բախշյանի անվան թիվ 3 հիմնական դպրոցը հյուրընկալեց Հայաստանում Ֆրանսիայի դեսպանության կրթական և մշակութային համագործակցության գծով կցորդ տիկին Դոմինիկ Վեյսին։

Սեմինարի ընթացքում բանախոսները ներկայացրին կրթական նոր չափորոշիչներով հավանականությունների տեսության և մաթեմատիկական վիճակագրության հետ կապված փոփոխությունները, կատարեցին գործող դասագրքերում ընդգրկված թեմաների խորքային վերլուծություն, գործնական առաջադրանքներ և ծավալեցին ակտիվ քննարկում:

Այս համաժողովը կարևոր հարթակ հանդիսացավ դպրոցների ներկայացուցիչների միջև փորձի փոխանակման, նոր կապերի հաստատման և աշակերտական ինքնակառավարման մշակույթի խորացման համար։

Մայիսի 29-ին Վայք քաղաքում կայացած «Դպրոցականների բասկետբոլի լիգա» մարզական խաղերի միջմարզային փուլում Գորիսի Յուրի Բախշյանի անվան թիվ 3 հիմնական դպրոցի 7-9-րդ դասարանների՝ 13-15 տարեկան սովորողները փայլեցին իրենց պատրաստվածությամբ, թիմային խաղով և մարզական ոգով՝ ապահովելով հաղթանակ և անցում դեպի մրցաշարի եզրափակիչ՝ հանրապետական փուլ։

Գորիսի Յուրի Բախշյանի անվան թիվ 3 հիմնական դպրոցի 2-րդ «Բ» դասարանի աշակերտները, դասվար Կարինե Պողոսյանի նախաձեռնությամբ, ծնողների ուղեկցությամբ այցելել են հին Գորիսի Սուրբ Հռիփսիմե եկեղեցի։

Գորիսի Յուրի Բախշյանի անվան թիվ 3 հիմնական դպրոցի «Մաթեմատիկա» առարկայի ուսուցչուհի Արփինե Մարտիրոսյանը մեծ ներդրում է ունեցել ժամանակակից կրթական տեխնոլոգիաների զարգացման գործում։ Նա «Koreez» կրթական խաղի համար կազմել է ավելի քան 300 ուսուցողական հարց, ցուցաբերելով նվիրվածություն, ստեղծագործ մոտեցում և մասնագիտական մեծ պատրաստվածություն։

Մայիսի 24-ին Գորիսի Յուրի Բախշյանի անվան թիվ 3 հիմնական դպրոցը վերածվել էր հիշողությունների, հույզերի և խոր շնորհակալության կենտրոնի։ Դպրոցն իր հարկի տակ էր համախմբել 1989-1990 ուսումնական տարվա 10-րդ «Ա» դասարանի շրջանավարտներին՝ նշելու ուսումնառության ավարտի 35-ամյակը։

Ջերմորեն շնորհավորում եմ ձեզ Վերջին դասի կապակցությամբ։ Սա պահ է, որը տարիներ անց էլ եք հիշելու՝ հուզմունքով, ժպիտով և երախտագիտությամբ։ Այն ոչ միայն դպրոցական կյանքի ավարտն է, այլև՝ մի նոր ճանապարհի սկիզբ, որն ամեն մեկդ կընտրի ըստ իր երազանքների ու նպատակների։

Այս օրը կարևոր և հիշարժան կանգառ է ձեր կյանքի ճանապարհին։ Վերջին դասը խորհրդանշում է դպրոցական տարիների ավարտը, այն շրջանը, որտեղ ձևավորվել եք որպես անհատներ, ձեռք եք բերել գիտելիքներ, ընկերներ ու հիշողություններ, որոնք կուղեկցեն ձեզ ողջ կյանքում։