Գորիսի Յուրի Բախշյանի անվան թիվ 3 հիմնական դպրոցի 9-րդ «Գ» դասարանում հնչել են վերջին զանգին նախորդող ամենահուզիչ ակորդները․ դպրոցում կազմակերպվել է ավանդական «Զանգերի կախման» միջոցառումը, որը վերածվել է հիշողություններով, ժպիտներով ու արցունքներով լի յուրահատուկ տոնի։

Մայիսի 9-ին՝ Հաղթանակի և խաղաղության տոնի առթիվ, Գորիսի Յուրի Բախշյանի անվան թիվ 3 հիմնական դպրոցի աշխատակազմն այցելել է Գորիսի Հայրենական մեծ պատերազմի հուշահամալիր՝ հարգանքի տուրք մատուցելու Երկրորդ համաշխարհային պատերազմում նացիստական Գերմանիայի նկատմամբ տարած հաղթանակի և պատերազմի հերոսների հիշատակի առթիվ։

Գորիսի Յուրի Բախշյանի անվան թիվ 3 դպրոցի 4-րդ «Բ» դասարանում անցկացվել է հետաքրքիր և ուսուցողական համակցված բաց դաս՝ «ԹԳՀԳ» և «Տեխնոլոգիա» առարկաներից։ Դասը կազմակերպել էին դասվար Անուշ Աղաբեկյանը և «ԹԳՀԳ» առարկայի ուսուցչուհի Օլյա Ղուլյանը՝ նպատակ ունենալով համատեղել տեսական գիտելիքներն ու գործնական հմտությունները։

Սյունիքի մարզում կայացել է «Վարչապետի գավաթ» դպրոցականների թիմային խճուղավազքի մարզային փուլը, որը միավորել է տասնյակ դպրոցների աշակերտների՝ խթանելով առողջ ապրելակերպը և մարզական ակտիվությունը։

Գորիսի Յուրի Բախշյանի անվան թիվ 3 հիմնական դպրոցի 9-րդ «Ա» դասարանում կայացել է «Զանգերի կախման» ավանդական միջոցառումը՝ նվիրված ավարտական Վերջին դասին ընդառաջ կազմակերպվող արարողություններին։

Գորիս քաղաքում կայացած դպրոցականների շախմատի համայնքային փուլում բարձր արդյունք է գրանցել Գորիսի Յուրի Բախշյանի անվան թիվ 3 հիմնական դպրոցի թիմը՝ զբաղեցնելով պատվավոր 3-րդ հորիզոնականը։

Ֆրանկոֆոնիայի օրերի շրջանակում Գորիսի Յուրի Բախշյանի անվան թիվ 3 հիմնական դպրոցում անցկացվել է ճանաչողական և մրցակցային վիկտորինա՝ նվիրված ֆրանսիական մշակույթին և լեզվին։

Ապրիլի 28-ին դպրոցում անցկացվել է «Հրդեհներ, սողանքներ, բնապահպանական անվտանգություն» թեմայով բաց դաս-քննարկում։ Միջոցառումը կազմակերպվել էր դասվար Կարինե Մալխասյանի նախաձեռնությամբ՝ «ՆԶՊ» առարկայի ուսուցիչ Արտուր Հովսեփյանի և ծնող Սաթենիկ Բաբալարյանի համագործակցությամբ։

Ապրիլի 23-ին ծրագրին մասնակցել են 7-րդ «Ա» դասարանի աշակերտները՝ դասղեկ Արփինե Մարտիրոսյանի ուղեկցությամբ։ Նրանք այցելել են համայնքում գտնվող հուշարձան, որտեղ իրականացրել են տարածքի մաքրման և բարեկարգման աշխատանքներ՝ ցուցաբերելով պատասխանատու և գիտակցված վերաբերմունք ազգային արժեքների նկատմամբ։

Գորիսի Յուրի Բախշյանի անվան թիվ 3 հիմնական դպրոցը միացել է համամարզային շաբաթօրյակին։ Նախաձեռնության շրջանակում դպրոցի աշխատակազմն ու սովորողները համախմբվել էին մեկ կարևոր նպատակի շուրջ՝ ապահովելու մաքուր, բարեկարգ և հարմարավետ ուսումնական միջավայր, ինչպես նաև մաքրելու դպրոցի հարակից տարածքը։