Նոյեմբերի 6-ին Գորիսի Յուրի Բախշյանի անվան թիվ 3 հիմնական դպրոցի տնօրենի պաշտոնակատար Սերգեյ Ավանեսյանն ու ԿԱԴԱՀ Արմիդա Գևորգյանը կազմակերպեցին հանդիպում դպրոցի աշակերտական խորհրդի ներկայացուցիչների հետ՝ կենտրոնանալով մեդիագրագիտության, քննադատական մտածողության զարգացման և անձնական տվյալների պաշտպանության վրա:

Հոկտեմբերի 31-ին դպրոցի 9-րդ «Ա» դասարանի սովորողները, տնօրենի պաշտոնակատար Սերգեյ Ավանեսյանի և ԿԱԴԱՀ Արմիդա Գևորգյանի մասնակցությամբ, իրականացրել են մաքրման և պահպանության աշխատանքները։

Գորիսի Յուրի Բախշյանի անվան թիվ 3 հիմնական դպրոցում 2025-2026 ուսումնական տարում մեկնարկել է «Ուսումնական բացերի հաղթահարում և բարեկեցության խթանում» ծրագիրը, որն իրականանում է ՀՀ ԿԳՄՍ նախարարության աջակցությամբ և «Դասավանդի՛ր, Հայաստան» կրթական հիմնադրամի, UNICEF-ի և դպրոցի համագործակցությամբ։

Գորիսի Յուրի Բախշյանի անվան թիվ 3 հիմնական դպրոցի 9-րդ «Ա» դասարանի սովորողները, դասղեկ Ալլա Առստամյանի և ծնողների ուղեկցությամբ, իրականացրել են ճանաչողական ու կրթական նշանակության հետաքրքիր էքսկուրսիա դեպի Հին Գորիս՝ քաղաքի պատմական անցյալն ու մշակութային ժառանգությունը բացահայտելու նպատակով։

Դպրոցի թիմը՝ կազմված տարբեր տարիքային խմբերի աշակերտներից, մեծ պատրաստակամությամբ ու ոգևորությամբ ներկայացավ մրցաշարին։ Երեխաները մարզահրապարակ դուրս եկան պայքարելու ոչ միայն անձնական արդյունքների, այլև իրենց դպրոցի և քաղաքի պատվի համար։

Գորիսի Յուրի Բախշյանի թիվ 3 հիմնական դպրոցի 3-րդ «Գ» դասարանի աշակերտները, դասղեկ Ռիտա Շալունցի ուղեկցությամբ, հպարտությամբ մասնակցեցին ազգային արժեքների պահպանմանն ու տարածմանը նվիրված գեղեցիկ ու ներշնչող միջոցառմանը, որը կազմակերպվել էր Գորիսի համայնքապետարանի նախաձեռնությամբ։

Հոկտեմբերի 19-ին Գորիսի Յուրի Բախշյանի անվան թիվ 3 հիմնական դպրոցի 5-րդ «Բ» դասարանի աշակերտները դասղեկ Մարգարիտա Պետրոսյանի, «Իմ հայրենիքը» առարկայի ուսուցչուհի Ռուզաննա Խաչատրյանի և ծնողների ուղեկցությամբ իրականացրել են հետաքրքիր ու ճանաչողական էքսկուրսիա դեպի Խնձորեսկ։

Առաջնությանը մասնակցել են Գորիսի տարածաշրջանի մի շարք դպրոցների թիմեր՝ Գորիսի Ակսել Բակունցի անվան թիվ 1 ավագ, Գորիսի թիվ 2, Գորիսի թիվ 5 հիմնական, ինչպես նաև Քարահունջի և Հարթաշենի միջնակարգ դպրոցների ֆուտբոլային թիմերը։

Արշավի ընթացքում աշակերտներն այցելեցին նաև Սուրբ Հռիփսիմե եկեղեցի, որտեղ ծանոթացան եկեղեցու պատմությանը, ճարտարապետական առանձնահատկություններին և դարերի ընթացքում պահպանված հոգևոր արժեքներին։ Ուսուցողական շրջայցը դարձավ յուրօրինակ դաս պատմության, հավատքի և հայրենագիտության թեմաներով։

Հոկտեմբերի 7-27-ը ՀՀ կրթության, գիտության, մշակույթի և սպորտի նախարարության և «Ակադեմիական քաղաք» հիմնադրամի համատեղ նախաձեռնությամբ մեկնարկել է լայնածավալ տեղեկատվական արշավ, որը կանցկացվի Հայաստանի 14 քաղաքներում։