Աշունը բազմագույնով է ներկել Սյունյաց աշխարհը՝ ստեղծելով գույների շքեղ հրավառություն, գործի դնելով նկարչի իր ողջ հանճարը, ներկապնակի բոլոր գույները: Նոյեմբերի 14-ին Գորիսի Յու. Բախշյանի անվան թիվ 3 հիմնական դպրոցի 1-ին «Բ» դասարանի աշակերտներն իրենց դասերն անցկացրին բնության գրկում: Այգին հրապուրել էր բոլորին իր բազմազան կախարդական գույներով: Դասվար Անուշ Աղաբեկյանը ցանկանում էր, որ երեխաները ոչ միայն հմայվեն բնության հրաշք գեղեցկությամբ, այլ նաև կարողանան վերարտադրել տեսածը, պատմել այն զգացմունքների մասին, որոնք առաջանում են բնության գրկում: Աշակերտների արտասանություններն ու երգերը միախառնվել էին աշնանային գույներին՝ պարգևելով խինդ, ուրախություն և ջերմություն: Տերևների խշշոցը, աշնանային տերևաթափը, տերևներ հավաքելը բարձրացրին երեխաների տրամադրությունը, հաղորդեցին մեծ էներգիա:
| |
|
| |
| Դիտումներ: 306 | |
| Մեկնաբանություններն ընդամենը՝: 0 | |