Նոյեմբերի 29-ին Գորիսի Յուրի Բախշյանի անվան թիվ 3 հիմնական դպրոցի 3-րդ «Բ» դասարանում տեղի ունեցավ «Ранняя осень, золотая осень и поздняя осень» թեմայով բաց դաս-միջոցառում, որը կազմակերպել էր «Ռուսաց լեզու» առարկայի ուսուցչուհի Արփինե Օհանջանյանը:

Բաց դաս-միջոցառման սկզբում Արփինե Օհանջանյանը ներկայացրեց միջոցառման թեման, նշելով, որ կարճ ժամանակահատվածում են պատրաստվել, սակայն մեծ ոգևորությամբ:

Աշակերտները ներկայացրին աշնան բոլոր ամիսներին եղանակի փոփոխությունների վերաբերյալ տեղեկություն, արտասանեցին աշնան մասին բանաստեղծություններ: «Ах осень, осень» մանկական երաժշտության ներքո երգ կատարեցին և մենապարուհու մատուցմամբ հիանալի պար պարգևեցին ներկաներին:

Ուսուցչուհին աշակերտների համար նախապատրաստել էր «Колесо проверки знаний» մեթոդը, որի միջոցով երեխաները ամփոփեցին ու ամրապնդեցին ձեռք բերած գիտելիքները, ինչպես նաև պատասխանեցին աշնան վերաբերյալ հանելուկներին ու հարցերին:

Օտար լեզուների մեթոդմիավորման նախագահ Մարգարիտա Պետրոսյանը շնորհակալություն հայտնեց Արփինե Օհանջանյանին՝ ուսուցանող, գունագեղ և հեքիաթային միջոցառման համար:

Բաց դաս-միջոցառման նպատակն էր ամբողջացնել աշակերտների աշնան մասին պատկերացումները, ինչպես նաև զարգացնել ռուսերենով ճիշտ ու կապակցված խոսքը:

Դասին ներկա էին ուսումնական գծով փոխտնօրեն Սերգեյ Ավանեսյանը, ՄԿԱ գծով փոխտնօրեն Արմիդա Գևորգյանը, 3-րդ «Բ» դասարանի դասվար Անահիտ Աղաբեկյանը, ուսուցիչներ, ծնողներ: