Գորիսի Յու. Բախշյանի անվան թիվ 3 հիմնական դպրոցի 1-ին «Բ» դասարանում դասվարի ժամը նվիրված էր Նոր տարվան

Դեկտեմբերի 20-ին Գորիսի Յու. Բախշյանի անվան թիվ 3 հիմնական դպրոցի 1-ին «Բ» դասարանում դասվարի ժամը նվիրված էր Նոր տարվան:

Դասարանում տիրում էր տոնական, ուրախ տրամադրություն: Դասվար Անուշ Աղաբեկյանն աշակերտներին ներկայացրեց Նոր տարվա խորհուրդը, որից հետո աշակերտներն իրենց հրաժեշտի խոսքն ասելով անցնող տարվան՝ նկատեցին, որ գալիք՝ նապաստակի տարին, խոստանում է հաջողություններ և երջանկություն, եթե միայն մեզնից յուրաքանչյուրը լինի նախաձեռնողի դերում։

Հնչեցին նաև բանաստեղծություններ ու երգեր՝ նվիրված ձմռանն ու Նոր տարվան։

Վերջում աշակերտներին հյուր եկավ Ձմեռ պապը: Աշակերտները երգով ու արտասանությամբ դիմավորեցին Ձմեռ պապին, որը չէր մոռացել փոքրիկների համար նվերներ բերել։

  
 

Կատեգորիա: ՄԻՋՈՑԱՌՈՒՄՆԵՐ | Ավելացրեց: ԽՄԲԱԳԻՐ (20.12.2022)
Դիտումներ: 168 | Վարկանիշ: 0.0/0
Մեկնաբանություններն ընդամենը՝: 0
avatar