Դեկտեմբերի 23-ին Գորիսի Յու. Բախշյանի անվան թիվ 3 հիմնական դպրոցի 7-րդ «Ա» դասարանում տեղի ունեցավ «Խաղաղ արի, Նոր տարի» խորագիրը կրող հանդես-միջոցառում, որը կազմակերպել էր դասղեկ Աննա Աբգարյանը։ 

Հանդես-միջոցառման ժամանակ աշակերտները ներկայացան երգով, բանաստեղծական և պարային համարներով։ Բոլորի նպատակը մեկն էր` խաղաղություն գալիք տարում։ Աշակերտները հորդորում էին. Մեր գլխին թափված այսքան արհավիրքներից հետո եկեք   փորձենք չտխրել: Մենք՝ բոլոր հայերս, կմտածենք մեր ամանորյա նվիրական երազանքի՝ խաղաղության մասին, և քանի որ նոր տարվա երազանքները իրականանում են, ուրեմն հավատանք, որ դրանք իրականություն դառնան»։

Հանդես-միջոցառմանը ներկա էին ուսումնական գծով փոխտնօրեն Սերգեյ Ավանեսյանը, ուսուցիչներ, ծնողներ, աշակերտներ: