Գորիսի Յուրի Բախշյանի անվան թիվ 3 հիմնական դպրոցը կրկին գրկաբաց էր, հյուրընկալ: Մարտի 18-ին, «Հայոց լեզուն տունն է հայի» խորագրով միջոցառում էր 5-րդ «Ա» դասարանում, որը կազմակերպել էր «Մայրենի» առարկայի ուսուցչուհի, 5-րդ «Ա» դասարանի դասղեկ Շահանե Հովսեփյանը:
Գեղեցիկ, ուսուցողական, արարաման աղոթք էր մայրենին հինգերորդցիների անաղարտ շուրթերին, մայրենիով մրմնջացող աղոթք ու սրբություն: Դա կաթոգին սեր է, որ ծնվում է առաջին բառից: Հետո դառնում է Օրոր, Երգ, Հորովել, Ծիրանի ծառ, Որդան կարմիր, Նարեկ ու Մագաղաթ: Ու նա է, որ տուն է կանչում քեզ կարոտով, դառնում վերադարձի կանչ, քնքուշ բարբառ, հավատի ու հույսի շող: Ոգեղեն ու հոգեպարտ էր միջոցառումը, «Մայրենի» առարկայի ուսուցչուհին կարողացավ վերհանել նպատակը, վեհի՛ գաղափարը՝ աշակերտներին ուղեցույց: Միջոցառմանը ներկա էին դպրոցի մանկավարժները, ծնողներ և աշակերտներ: Գորիսի Յու. Բախշյանի անվան թիվ 3 հիմնական դպրոցի տնօրինությունը շնորհակալություն է հայտնում տարազագետ Արտյոմ Սյունեցուն՝ տարազները տրամադրելու համար:
| |
|
| |
| Դիտումներ: 524 | |
| Մեկնաբանություններն ընդամենը՝: 0 | |