Այսօր ՀԱԱՀ Սիսիանի մասնաճյուղի և Գորիսի պետական գյուղատնտեսական քոլեջի հետ համատեղ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում կազմակերպվեց «Մասնագիտությունների խթանման օր Սյունիքում» միջոցառումը, որին մասնակցեցին նաև Գորիսի Յու. Բախշյանի անվան թիվ 3 հիմնական դպրոցի ՄԿԱ գծով փոխտնօրեն Արմիդա Գևորգյանն ու 9-րդ դասարանների աշակերտները: Միջոցառման հիմնական նպատակն էր ծանոթացնել ՀՀ Սյունիքի մարզի երիտասարդներին վերոնշված կրթական հաստատությունների ուսումնական ծրագրերին և դուալ համակարգով ներդրվող մասնագիտություններին: Միջոցառմանը ներկա էին 100-ից ավել աշակերտ, որոնք բաժանվեցին երեք խմբի՝ մասնագիտական ֆիլմեր դիտելու և մասնագիտություններին ծանոթանալու նպատակով։ Աշակերտները հնարավորություն ունեցան տեսնել և մասնակցել ներկայացվող մասնագիտություններին բնորոշ պրակտիկ աշխատանքներին:
| |
|
| |
| Դիտումներ: 396 | |
| Մեկնաբանություններն ընդամենը՝: 0 | |