Մայիսի 24-ին Գորիսի Յու. Բախշյանի անվան թիվ 3 հիմնական դպրոցի 4-րդ «Բ» դասարանի աշակերտները, դասվար Արուս Դոլունցի և ծնողների ուղեկցությամբ այցելեցին Գորիսի Սուրբ Հռիփսիմե եկեղեցի. եկեղեցում մոմ վառեցին առ Աստված, հանուն հայրենիքի խաղաղության և բարօրության համար:

Բնության գրկում, «Հայաստանը ես եմ» խորագրով, կազմակերպվեց միջոցառում: Աշակերտները Հայաստանի մասին բանաստեղծություններ արտասանեցին, երգեցին, պարեցին, կոչ հղելով լեռներին, ձորերին, քարանձավներին, որ ամուր ու խրոխտ կանգնեն և անսասան պահեն մեր հայրենի պարիսպները:

Օրը հագեցած էր, հետաքրքիր և յուրօրինակ: Աշակերտները մեծ բավականություն ստացած վերադարձան տուն: