Ապրիլի 4-ին Գորիսի Յու. Բախշյանի անվան թիվ 3 հիմնական դպրոցի 2-րդ «Գ» դասարանում տեղի ունեցավ «Իմ հույսի ամրոց» խորագրով միջոցառում՝ նվիրված մայրությանը։ Աշակերտները «Մայրության և գեղեցկության» տոնին ընդառաջ իրենց գեղեցիկ ասմունքով, բեմականացումներով և երգերով ներկայացան ծնողներին, ուսուցչական կոլեկտիվին։ Դահլիճի գեղեցիկ ձևավորումը, աշակերտների կանաչ վզկապները, դերային գլխազարդերը բարձր տրամադրություն էր հաղորդել ներկաներին և անկեղծ ժպիտների առիթ հանդիսացել։ Միջոցառման ընթացքում սահիկաշարի տեսքով անակնկալ մատուցվեց ծնողներին և աշակերտները նրանց նվիրեցին շնորհավորական բացիկներ։ Մայրությունը վեհ կոչում է, և մայրերի համար պետք է աղոթել մշտապես։ Աշակերտները «Տերունական աղոթքով» աշխարհի բոլոր մայրերին ցանկացան երկարակեցություն և ամրակուռ առողջություն։ Դասվար Կարինե Մալխասյանն իր խոսքում նշեց, որ մայրերը մեր երկնահաս հույսի ամրոցներն են, և Աստծո լավագույն արարչագործությունը կնոջը մայրանալու շնորհքով օժտելն է:
| |
|
| |
| Դիտումներ: 236 | |
| Մեկնաբանություններն ընդամենը՝: 0 | |