Դեկտեմբերի 15-ին Գորիսի Յու. Բախշյանի անվան թիվ 3 հիմնական դպրոցի 6-րդ «Բ» դասարանում՝ դասղեկի ժամի ընթացքում, դասղեկ Մարգարիտա Պետրոսյանի, աշակերտների և ծնողների մասնակցությամբ տեղի ունեցավ դասարանի տոնածառի լույսերի վառման արարողություն, որի ընթացքում աշակերտները հայերեն, ռուսերեն և անգլերեն լեզուներով արտասանեցին, ներկայացրին Ամանորի խորհուրդը, երգեցին ու պարեցին:

Դասի ավարտին Մարգարիտա Պետրոսյանը շնորհակալություն հայտնեց ծնողներին, ովքեր իրենց երեխաների հետ դասարանը պատրաստել էին Ամանորին:

Ներկա ծնողները նույնպես շնորհակալություն հայտնեցին դասղեկին՝ կատարած աշխատանքի համար:

Դասին ներկա էին նաև դպրոցի ՄԿԱ գծով փոխտնօրեն Աիդա Անտոնյանն ու ուսումնական գծով փոխտնօրեն Սերգեյ Ավանեսյանը: