Առողջապահության նախարարության «Առողջ ապրելակերպի» հանրային արշավն այս տարի իրականացվել է Գորիս քաղաքում, որին մասնակցում էին քաղաքի և հարակից գյուղերի մի շարք դպրոցներ: Արշավին մասնակցում էին նաև Գորիսի Յու. Բախշյանի անվան թիվ 3 հիմնական դպրոցի 7-9-րդ դասարանների աշակերտները՝ «Առողջ ապրելակերպ» առարկայի ուսուցչուհի Մարինե Բաբայանի և ՄԿԱ գծով փոխտնօրեն Արմիդա Գևորգյանի ուղեկցությամբ: Միջոցառումը մեկնարկեց Գորիսի Յու. Բախշյանի անվան թիվ 3 հիմնական դպրոցից՝ քայլերթով: Գրիգոր Տաթևացու անվան հրապարակում տեղադրված տաղավարներում իրականացվեցին առողջ վարքագծի ձևավորմանն ուղղված հանրային իրազեկման միջոցառումներ: Աշակերները հաճույքով իրականացրին քայլարշավը, մասնակցեցին մարզական և ավանդական խաղերին, դպրոցի խոհարարի օգնությամբ պատրաստեցին առողջ սնունդ և հյուրասիրեցին ներկաներին: Այսպիսի միջոցառումները շատ կարևոր են աշակերների համար, քանի որ դեռ վաղ տարիքից առողջ ապրելակերպը սովորություն է դառնում և խրախուսվում է ֆիզիկական ակտիվությունը: Ավարտին մասնակիցներն արշավին ակտիվ մասնակցության համար ՀՀ Առողջապահության նախարար Անահիտ Ավանեսյանի կողմից ստացան պատվոգրեր։
| |
| |
Դիտումներ: 295 | |
Մեկնաբանություններն ընդամենը՝: 0 | |