Գորիսի Յու. Բախշյանի անվան թիվ 3 հիմնական դպրոցի 9-րդ դասարաններում օրերը տոնական են։ Ավարտական Վերջին դասին նախորդում են ավանդույթ դարձած «Զանգերի կախման» միջոցառումները։ 9-րդ «Ա», «Բ» և «Գ» դասարանների դասղեկներ Լուսինե Բաղդասարյանը, Սիրուշ Բաղդասարյանն ու Հերմինե Ալավերդյանն աշակերտների օրը փոքրիկ տոնի էին վերածել: Աշակերտները ստացան վերջին զանգն ազդարարող խորհրդանիշները, միմյանց բարեմաղթանքներ հղեցին, լուսանկարվեցին, ուրախացան: Միջոցառումը համեմված էր երգ ու պարով, շնորհակալական խոսքեր՝ ուղղված ուսուցիչներին, աշակերտների 9 երկար ու ձիգ տարիների հիշողություններով։ «Զանգերի կախման» արարողությամբ աշակերտները ոտք են դնում մեկ այլ աշխարհ, նոր աշխարհ: Նրանց սպասվում է նոր կյանքի երկար ու ոչ այդքան դյուրին ճանապարհ, որը պետք է լինի նորանոր հաջողություններով լի:
| |
|
| |
| Դիտումներ: 418 | |
| Մեկնաբանություններն ընդամենը՝: 0 | |