Մայիսի 21-ին Գորիսի Յու. Բախշյանի անվան թիվ 3 հիմնական դպրոցում «Ո՜վ մեծասքանչ դու լեզու, դու մեր հավատի լուսեղեն շքերթ» խորագրով նշվեց 1-ին «Բ» դասարանի Այբուբենի տոնը։

Գիտելիքը ուժ է, շարժման ուժ, արարման ուժ։ Աշակերտներն իրենց քաղցրախոս մայրենիով հավաստեցին, որ իրենք զորեղ ու քաջ ռազմիկների, մեծատաղանդ հանճարների ժառանգներն են ու հետևորդները, և պարտավորվեցին արժանի զավակներ մեծանալ` շենացնելով ու զորացնելով Հայաստանը։

Դասվար Կարինե Պողոսյանը շնորհավորեց իր սաներին` կարևորելով գրաճանաչությունը` որպես յուրաքանչյուր աշակերտի ճանապարհի փարոս, որպես նրա մտքի թռիչքի գրավական, որպես պայծառ ապագայի հաղթական նվաճում։