Մայիսի 22-ը տոնական էր Գորիսի Յու. Բախշյանի անվան թիվ 3 հիմնական դպրոցի 2-րդ «Ա» դասարանի աշակերտների համար։ Նրանց մասնակցությամբ տեղի ունեցավ «Прощай, Букварь!» խորագրով միջոցառումը, որը կազմակերպել էր «Ռուսաց լեզու» առարկայի ուսուցչուհի Մարիամ Հայրապետյանը։ Միջոցառումը սկսվեց աշակերտների մասնակցությամբ անակնկալ տեսանյութով։ Երեխաներն իրենց հնչեղ, սահուն և գեղեցիկ ասմունքով, երգ ու պարով տպավորեցին ներկաներին։ Աշակերտներին հյուր էր եկել «Букварь»-ը, ով ստուգեց նրանց գիտելիքները և համոզվեց, որ աշակերտներն արդեն գիտեն ինչպես մայրենիի, այնպես էլ ռուսաց լեզվի տառերը, կարողանում են գրել և կարդալ ռուսերենով։ Միջոցառման ընթացքում աշակերտները բեմականացման միջոցով ներկայացրին հայտնի «Репка» հեքիաթը` ավելի ժամանակակից լուծումներով։ Միջոցառման ավարտին աշակերտներին շնորհավորեցին և հիացմունքի խոսքեր հղեցին ուսուցչուհի Մարիամ Հայրապետյանը, ՄԿԱ գծով տնօրենի տեղակալ Արմիդա Գևորգյանը, «Ռուսաց լեզու» առարկայի ուսուցչուհի Մարգարիտա Պետրոսյանը։ Նրանք փաստեցին, որ աշակերտների սահուն խոսքը, ազատ և անկաշկանդ հանդես գալը, վկայում են այն մասին, որ ուսուցչուհու աշխատանքը տեսանելի է և գնահատելի։
| |
| |
Դիտումներ: 292 | |
Մեկնաբանություններն ընդամենը՝: 0 | |