«Ա» տառի ուսուցումը դպրոցներում արդեն ավանդական տոնի է վերածվել: Ե՛վ ուսուցիչները, և՛ աշակերտները պատրաստվում են այդ օրվան, զինվում համբերությամբ, լցվում գիտության լույսով, սպասում հույսով ու ակնկալիքներով: Նոյեմբերի 5-ին Գորիսի Յուրի Բախշյանի անվան թիվ 3 հիմնական դպրոցի 1-ին «Ա» դասարանում տեղի ունեցավ «Ա» տառի շնորհանդես։ Դասվար Իրինա Ջավահիրյանը երեխաներին ներկայացրեց զարմանահրաշ այբուբենի առաջին տառը... Նա նշեց, որ հայրենիքը պաշտպանում են ոչ միայն զենքով, այլ նաև գիր ու գրականությամբ, գիտությամբ և մշակույթով։ Նա իր աշակերտներին նմանեցրեց մերկ ծառի, որը հետագայում կփթթի և իր պտուղները կտա, առհավատչյան կլինի մեր հայրենիքի հցորացմանը։ Դաս-միջոցառման նպատակն էր՝ ուսուցանել «Ա» տառը, ամրապնդել պատմություն, նախադասություն, բառ, վանկ, հնչյուն հասկացությունները: Հայոց այբուբենն ուսանող փոքրիկները ոչ միայն բառեր կազմեցին, այլև ներկայացրին փոքրիկ պատմություն արջի, աղվեսի և առյուծի մասին... Շնորհանդեսին ներկա էին տնօրենի պաշտոնակատար Սերգեյ Ավանեսյանը, Տարրական դասարանների մեթոդմիավորման նախագահ Ռիտա Շալունցը, ուսուցիչներ։
| |
|
| |
| Դիտումներ: 309 | |
| Մեկնաբանություններն ընդամենը՝: 0 | |