Գորիսի Յու. Բախշյանի անվան թիվ 3 հիմնական դպրոցում ամանորյա տրամադրություն էր: Այս անգամ ամանորյա միջոցառման մասնակիցները 1-ին «Ա» դասարանի աշակերտներն էին: Տոնական ու հեքիաթային մթնոլորտում, զարդարված սենյակում երեխաները հանդես եկան բանաստեղծություններով:

Միջոցառման ընթացքում աշակերտները երազանքներ պահեցին ու տոնածառից կախեցին իրենց անվանական խաղալիքները, որից հետո վառվեցին դասարանի տոնածառի լույսերը:

Աշակերտները ստացան ծնողների կողմից պատրաստած նվերները:

Ծնողներն իրենց շնորհակալական խոսքն ասացին 1-ին «Ա» դասարանի դասվար Գայանե Ավագյանին՝ կատարած աշխատանքի և ցուցաբերած անհատական վերաբերմունքի համար: