Հոկտեմբերի 15-ին և հոկտեմբերի 30-ին Գորիսի Յուրի Բախշյանի անվան թիվ 3 հիմնական դպրոցի համակարգմամբ և ԿԶՆԱԿ-ի կողմից սահմանված մենթորական ծրագրի շրջանակում կայացավ «Գենդեր-արձագանքող ուսուցումը դպրոցում» թեմայով վերապատրաստման դասընթաց։ Դասընթացը վարեց մենթոր Աշոտ Մաշուրյանը։

Դասընթացին մասնակցեցին Գորիսի Յուրի Բախշյանի անվան թիվ 3 հիմնական դպրոցի կրթագոտու 15 դպրոցների 22 ուսուցիչ։

Վերապատրաստումն իրականացվել է առցանց ձևաչափով՝ «Microsoft Teams» հարթակում, համաձայն հաստատված ժամանակացույցի։ Յուրաքանչյուր հանդիպում տևել է 3 ակադեմիական ժամ, իսկ ամբողջ դասընթացը կազմակերպվել է ինտերակտիվ և գործնական ձևաչափով, ապահովելով ուսուցիչների ակտիվ ներգրավվածությունը։

Դասընթացների ընթացքում իրականացվել են տարբեր ուսումնական ձևաչափեր՝

• թեմատիկ քննարկումներ՝ նվիրված կրթական հավասարության և ներառականության հիմնախնդիրներին,
• մանկավարժական իրավիճակների վերլուծություն՝ իրական օրինակների հիման վրա,
• ուղիղ դիտարկումներ և վիդեոդեմոնստրացիաներ,
• փոքր խմբերով համագործակցային աշխատանքներ, որոնք նպաստել են մասնագիտական փորձի փոխանակմանն ու համատեղ լուծումների մշակմանը։

Վերապատրաստման հիմնական նպատակներն էին՝

• դպրոցական միջավայրում առկա սոցիալական և գենդերային կարծրատիպերի բացահայտումն ու վերաիմաստավորումը,
• ուսուցման գործընթացում բոլոր սովորողների հավասար մասնակցության ապահովումը,
• արժեքահեն, թափանցիկ և փոխադարձ հարգանքի վրա հիմնված մանկավարժության ձևավորումը։

Մասնակից ուսուցիչները ցուցաբերել են բարձր ակտիվություն և նախաձեռնողականություն․ նրանք ներգրավվել են քննարկումներին, արտահայտել սեփական մասնագիտական դիտարկումները, բարձրացրել կրթական դաշտում առկա արդիական խնդիրներ և ներկայացրել կառուցողական առաջարկություններ դրանց լուծման ուղղությամբ։