Հունվարի 28-30-ը Ռուսաստանի Դաշնության Ստավրապոլ  քաղաքում տեղի ունեցավ ազատ ըմբշամարտի միջազգային առաջնություն, որին մասնակցեցին նաև Գորիսի տարածքային մանկապատանեկան մարզադպրոցի 35 կգ քաշային կարգի մարզիկներ Արտակ Աղաբեկյանն ու Ալեն Միրզոյանը:

Միջազգային մրցաշարում Գորիսի տարածքային մանկապատանեկան մարզադպրոցի ըմբիշները փայլուն մրցելույթներ ունեցան և նվաճեցին համապատասխանաբար 1 ոսկե ու 1 բրոնզե մեդալներ:

Արտակ Աղաբեկյանը, ով Գորիս Յու. Բախշյանի անվան թիվ 3 հիմնական դպրոցի 7-րդ «Գ» դասարանի աշակերտ է, գերազանց հանդես եկավ: Եզրափակիչ գոտեմարտը ծանր ու համառ պայքարի արդյունքում նա հաղթեց 3:2 հաշվով և դարձավ իր քաշային կարգում առաջնության բացարձակ չեմպիոն` նվաճելով ոսկե մեդալ:
       
Տաթև համայնքի Շինուհայր գյուղից Ալեն Միրզոյանը թեժ պայքարի արդյունքում միայն մեկ միավորով զիջել է ՌԴ ներկայացուցչին ու զբաղեցրել պատվո հարթակի 3-րդ հորիզոնականը` նվաճելով բրոնզե մեդալ:           
                         
Ի սրտե շնորհավորում ենք Գորիսի տարածքային մանկապատանեկան մարզադպրոցի մարզիչ-մանկավարժներին ու մարզիկներին, ցանկանում շարունակական վերելքներ ու բազմաթիվ այսպիսի ոգեշնչող  հաղթանակներ: