Տևական դադարից հետո վերագործարկվել է Գորիսի Յու. Բախշյանի անվան թիվ 3 հիմնական դպրոցի համակարգչային կաբինետը:

Տնօրինությունը, կարևորելով աշակերտների տեսական գիտելիքների ամրապնդումը գործնական աշխատանքների միջոցով, ձեռնամուխ է եղել համակարգչային կաբինետի վերագործարկման աշխատանքներին: Այն հիմնանորոգվել և կահավորվել է, իսկ դպրոցում առկա համակարգիչները նորոգել է ուսումնական գծով փոխտնօրեն Սերգեյ Ավանեսյանը:

Այժմ աշակերտները հնարավորություն կունենան «Ինֆորմատիկա» առարկայի դասաժամերին ստացած տեսական գիտելիքներն ամրապնդել գործնական աշխատանքով:

Նախատեսվում է ևս մի քանի համակարգիչ վերականգնել, որպեսզի դասապրոցեսն էլ ավելի արդյունավետ իրականացվի: